اداکارہ سنبل اقبال کے وارنٹ گرفتاری جاری

اداکارہ سنبل اقبال عدالت میں گواہی کے لیے پیش نہیں ہورہی ہیں،شکایت

جمعرات 9 فروری 2023 11:05

کراچی(اُردو پوائنٹ اخبارتازہ ترین - این این آئی۔ 09 فروری2023ء) جوڈیشل مجسٹریٹ جنوبی نے سوشل میڈیا پر مہم کیخلاف مقدمے میں گواہی اور شواہد پیش نا کرنے پر اداکارہ سنبل اقبال کے قابلِ ضمانت وارنٹ گرفتاری جاری کردیے۔کراچی سٹی کورٹ میں جوڈیشل مجسٹریٹ جنوبی کی عدالت کے روبرو سوشل میڈیا پر مہم چلانے سے متعلق ندیم کیانی و دیگر کیخلاف مقدمے کی سماعت ہوئی۔

ایف آئی اے حکام نے بتایا کہ سنبل اقبال نے 2020 میں شکایت درج کرائی تھی۔

(جاری ہے)

اداکارہ سنبل اقبال عدالت میں گواہی کے لیے پیش نہیں ہورہی ہیں۔عدالت نے اداکارہ سنبل اقبال کے قابلِ ضمانت وارنٹ گرفتاری جاری کردئیے۔ عدالت نے اداکارہ کے 10 ہزار روپے مالیت وارنٹ گرفتاری جاری کیئے ہیں۔ایف آئی اے کے مطابق اداکارہ سنبل اقبال نے ندیم کیانی و دیگر کیخلاف ایف آئی اے میں شکایت درج کرائی تھی۔ ندیم کیانی نے کیس میں ضمانت کرارکھی ہے۔اداکارہ نے الزام لگایا تھا کہ ندیم کیانی و دیگر نے ان کیخلاف سوشل میڈیا پر مہم چلائی ہے۔ ندیم کیانی و دیگر کیخلاف پاکستان الیکٹرونک کرائم ایکٹ کے تحت مقدمہ درج کیا گیا تھا۔