پی آئی بی سوشل ویلفیئر کے تحت انٹراسکول مقابلہ قرات و نعت کاانعقاد

ہفتہ 23 اکتوبر 2021 15:15

کراچی(اُردو پوائنٹ اخبارتازہ ترین - این این آئی۔ 23 اکتوبر2021ء) پی آئی بی سوشل ویلفیئر آرگنائزیشن اور الائنس آف پرائیویٹ اسکول سندھ کے تحت پی آئی بی سوسائٹی کے تعاون سے انٹراسکول مقابلہ قرات ، نعت،تقاریر اور معلومات عامہ کاانعقاد کیاگیا،جس میں شہر کے 15اسکولوں کے طلباو طالبات نے حصہ لیا۔

(جاری ہے)

مہمان خصوصی پی آئی بی ویلفیئر کے چیئرمین پیر نواز علی،پی آئی بی سوسائٹی کے چیئر مین سوسائٹی آصف آرائیں ،سیکرٹری محمد سلیمان تھے جبکہ دیگر مہمانوں میں چیئرمین الائنس آف پرائیویٹ اسکولز سندھ علیم قریشی ، جماعت اسلامی ضلع قائدین کے جنرل سیکرٹری سلیم عمر،جے آئی کراچی یوتھ ونگ کے صدر ہاشم ابدالی،سینئر صحافی نذیر عباسی شامل تھے۔

جنہوں نے کامیاب طلبہ میں شیلڈ ز اور انعامات تقسیم کیے، اس کے علاوہ پی آئی بی ویلفیئر کے وائس چیئرمین نورالہی ، سیکرٹری دبیر غوری ،عزیز کھتری ،علی رضا، طلحہ جدون ، غلام مصطفی سیال و دیگر بھی تقریب میں موجود تھے۔