سندھ اسمبلی:تحریک انصاف کے خرم شیر زمان کی تحریک التواء خلاف ضابطہ قرار دے دی گئی

پیر جنوری 23:02

کراچی ۔ (اُردو پوائنٹ اخبارتازہ ترین۔ 15 جنوری2018ء) سندھ اسمبلی نے کراچی شہر میں بڑھتے ہوئے اسٹریٹ کرائمز کے حوالے سے پاکستان تحریک انصاف خرم شیر زمان کی تحریک التواء خلاف ضابطہ قرار دے دی ۔ خرم شیر زمان نے کہا کہ پورے کراچی میں اسٹریٹ کرائم میں مسلسل اضافہ ہو رہا ہے ۔ سینئر وزیر خوراک و پارلیمانی امور نثار احمد کھوڑو نے فنی بنیادوں پر تحریک التواء کی مخالفت کی ۔

خرم شیر زمان نے کہا کہ کراچی میں لوگوں کو سرعام لوٹا جا رہا ہے ۔ میری اپنی بیٹی کے ساتھ ڈکیتی کا واقعہ ہوا ہے، حکومت کہتی ہے کہ سب ٹھیک ہے ۔

(جاری ہے)

نثار احمد کھوڑو نے کہا کہ کراچی میں امن وامان کی صورت حال بہتر ہوئی ہے، اس پر کیوں بات نہیں کی جاتی ۔ اب آزادی کا ماحول ملا ہے ۔ بوری بند لاشیں ملنا بند ہوگئی ہیں ۔ کراچی میں جو کچھ ہو رہا تھا ، حکومت سندھ نے اس پر کنٹرول کیا ۔

رینجرز کو خصوصی اختیارات دیئے گئے ۔ اب حالات اتنے بہتر ہیں کہ خصوصی اختیارات دیئے بغیر بھی کام چل سکتا ہے ۔ انہوں نے کہا کہ اسٹریٹ کرائمز ہیں ۔ دہشت گردی میں کمی ہوئی ہے تو اسٹریٹ کرائمز میں اضافہ ہوا ہے لیکن حکومت انہیں کنٹرول کر رہی ہے ۔ ڈپٹی اسپیکر سیدہ شہلا رضا نے تحریک التواء کو خلاف ضابطہ قرار دے دیا۔

متعلقہ عنوان :

کراچی شہر میں شائع ہونے والی مزید خبریں:

Your Thoughts and Comments