میگا منی لانڈرنگ سکینڈل‘ تحقیقات کا دائرہ وسیع، 50 ٹھیکیداروں سے تفتیش مکمل

کیس میں اومنی گروپ سمیت تین کمپنیوں نے جعلی اکائونٹس میں اربوں روپے کی ٹرانزیکشن کا انکشاف

ہفتہ 20 اکتوبر 2018 12:40

کراچی (اُردو پوائنٹ اخبارتازہ ترین - این این آئی۔ 20 اکتوبر2018ء) سندھ میں میگا منی لانڈرنگ اسیکنڈل اور جعلی اکاونٹس سے رقم منتقلی کیس میں جے آئی ٹی نے 50 ٹھیکیداروں سے تفتیش مکمل کر لی، کیس میں اومنی گروپ سمیت تین کمپنیوں نے جعلی اکائونٹس میں اربوں روپے کی ٹرانزیکشن کا انکشاف ہوا ہے۔منی لانڈرنگ سکینڈل میں جے آئی ٹی نے 50 ٹھیکیداروں سے تفتیش مکمل کرلی۔

(جاری ہے)

ایف آئی اے ذرائع کا کہنا ہے کہ 150 سے زائد ٹھیکیداروں نے جعلی اکاؤنٹس میں مبینہ طور پر رقم جمع کرائی جبکہ منی ٹریل میں 500 افراد کا تعلق نکلا ہے۔ایف آئی اے ذرائع نے انکشاف کیا کہ اومنی گروپ سمیت تین کمپنیوں نے جعلی اکاونٹس میں اربوں روپے کی ٹرانزیکشن کرائی، 100 سے زائد بینک افسران نے مبینہ طور پر جعلی اکاونٹس کھولے۔دوسری جانب ایف آئی اے نے کیس میں سندھ حکومت کے تعاون فراہم نہ کرنے کا شکوہ کر دیا۔ 17 اکتوبر کو جے آئی ٹی نے سرکاری اکاؤنٹس کا 10 برس کا ریکارڈ چیف سیکریٹری سندھ سے مانگا تھا تاہم 3 ہفتے گزر جانے کے باجود بھی سندھ حکومت نے جیآئی ٹی کو تفصیلات فراہم نہیں کیں۔

متعلقہ عنوان :

کراچی میں شائع ہونے والی مزید خبریں