خدمت خلق فانڈیشن کے نام پر اربوں روپے کی منی لانڈرنگ، ایم کیو ایم کے بڑے نام ملوث

کراچی(اُردو پوائنٹ اخبارتازہ ترین - این این آئی۔ 23 اکتوبر2018ء) متحدہ قومی موومنٹ کے ادارے خدمت خلق فانڈیشن کے نام پر اربوں روپے کی منی لانڈرنگ کرنے کا انکشاف ہوا ہے جس میں ایم کیو ایم کے بڑے نام ملوث ہیں۔تفصیلات کے مطابق خدمت خلق فانڈیشن کے نام پر 700 افراد کے اربوں روپے کی منی لانڈرنگ کرنے کا انکشاف ہوا ہے۔ وفاقی تحقیقاتی ایجنسی (ایف آئی ای) کی تحقیقات میں تہلکہ خیز انکشافات سامنے آگئے۔

ایف آئی اے ذرائع کے مطابق متحدہ قومی موومنٹ کے 50 سے زائد رہنما غیر قانونی ٹرانزیکشنز میں ملوث ہیں۔ میگا منی لانڈرنگ خدمت خلق فانڈیشن کے نام پر کی گئی۔ اربوں روپے کی رقوم منی لانڈرنگ کے ذریعے لندن بھجوائی گئیں۔ذرائع کا کہنا ہے کہ مجموعی طور 700 افرد نے غیر قانونی ٹرانزیکشنز کیں۔

(جاری ہے)

500 سے زائد ٹرانزیکشنز فرضی ناموں کے ذریعے کی گئیں۔

ذرائع کے مطابق لندن رقم بھجوانے والے 200 افراد کے مکمل کوائف حاصل کر لیے گئے ہیں۔ 100 ایسے افراد ہیں جنہوں نے بڑی رقوم کی ٹرانزیکشن کی۔ایم کیو ایم کے اہم نام بابر غوری، رؤف صدیقی، ارشد ووہرا، نسرین جلیل اور وسیم اختر کے نام غیر قانونی ٹرانزیکشنز میں شامل ہیں۔ایف آئی اے نے ایم کیو ایم کے 4 اہم رہنماں کے بیانات بھی قلمبند کر لیے۔ذرائع کا کہنا ہے کہ میگا منی لانڈرنگ کیس میں ایم کیو ایم کے اہم رہنماں کے گرد گھیرا تنگ کیا جارہا ہے۔ تحقیقات مکمل ہوتے ہی ایم کیو ایم کے اہم رہنماوں کی گرفتاری کی جائے گی۔ ایف آئی اے نے فول پروف آپریشن کے لیے پلاننگ مکمل کرلی ہے۔