آڈیٹرجنرل کی رپورٹ میں بے قاعدگیوں کے انکشاف پر سندھ حکومت قائمہ کمیٹیوں کی تشکیل نہیں کررہی ہے، اپوزیشن لیڈر سندھ اسمبلی
سندھ اسمبلی کی قائمہ کمیٹیاں نہ بنیں تو انتہائی اقدام پرمجبورہونگے ،پیپلزپارٹی کیلئے اسمبلی کا اجلاس چلانا مشکل ہوجائیگا ، ایم کیوایم فاشزم، بھتہ خوری اور دہشتگردی ترک کرگئی ہے ایم کیوایم اب قومی دھارے کی سیاست کررہی ہے ہم نہیں چاہتے کہ کسی جماعت کو دیوار سے لگایاجائے،فردوش شمیم نقوی
پیر 10 دسمبر 2018 23:24
(جاری ہے)
ان خیالات کا اظہارانہوں نے پیپلزپارٹی کی سندھ حکومت کے ایک سودن مکمل ہونے کے حوالے سے سندھ اسمبلی میں پریس کانفرنس سے خطاب کرتے ہوئے کیا۔
اس موقع پرخرم شیرزمان اورتحریک انصاف کے دیگرارکان سندھ اسمبلی میں بھی موجود تھے۔ اپوزیشن لیڈرفردوس شمیم نقوی نے کہاکہ سندھ میں پیپلزپارٹی کے دوچہرے سامنے آرہے ہیں،حکمراں پیپلزپارٹی جمہوریت کے ساتھ کھیل رہی ہے،قومی اسمبلی میں پیپلزپارٹی پبلک اکاونٹس کمیٹی کی چیئرمین شپ اپوزیشن کیلییمانگ رہی ہیجبکہ قومی اسمبلی میں قائمہ کمیٹیوں کی تشکیل میں تاخیرکاسبب اپوزیشن ہے۔ انہوں نے کہاکہ سند اسمبلی کی بزنس ایڈوائزری کمیٹی کیلییاپوزیشن نے نام دے دیے مگرنوے روز گزرنے کے بعد بھی سندھ اسمبلی کی بزنس ایڈوائزری کمیٹی نہیں بنی۔ انہوں نے کہاکہ ہم نے سندھ اسمبلی میں اپوزیشن کے لیے 14قائمہ کمیٹیوں کی چیئرمین شپ مانگی ہے ،پیپلزپارٹی نے آٹھ سے دس قائمہ کمیٹیوں کی چیئرمین شپ پر اتفاق کیا ہے سندھ میں اکتوبر سے قائمہ کمیٹیوں کی تشکیل کامرحلہ التوامیں ہے۔ فردوس شمیم نقوی نے کہا کہ متحدہ قومی موومنٹ (ایم کیو ایم) ایم کیوایم فاشزم، بھتہ خوری اور دہشتگردی ترک کرگئی ہے ایم کیوایم اب قومی دھارے کی سیاست کررہی ہے ہم نہیں چاہتے کہ کسی جماعت کو دیوار سے لگایاجائے،ہمارے پاس اکثریت نہیں ہے ہمیں اتحادی درکار تھے ،اتحادیوں کو ڈیل کرنے کے بہت سارے طریقے ہیں،ایک طریقہ وہ ہے جسکا ذکرعمران خان نے کیا۔ مڈٹرم الیکشن پرکوئی اعتراض نہیں ہے اگراکثریت نہ رہی تو قوم کے سامنے جائینگے۔انہوں نے کہاکہ پیپلزپارٹی میثاق جمہوریت کی داعی اور روایات کاذکر کرتی ہے،پبلک اکاونٹس کمیٹی کی چیئرمین شپ اپوزیشن کودی جانی چاہیئیاگر جمہوریت پریقین رکھتے ہیں توپیپلزپارٹی سندھ اسمبلی کی پبلک اکاونٹس کمیٹی کی چیئرمین شپ اپوزیشن کودے۔ انہوں نے کہاکہ کرپٹ ترین حکومتوں میں سندھ حکومت کانام اتاہے سندھ میں حکومت کو سو دن گزرگئے گیارہ سال سے پیپلزپارٹی سندھ میں حکمراں ہیکیسے ممکن ہے کہ جن کے اکاونٹس کا اڈٹ ہونا ہے وہ پیپلزپارٹی کرسکے،چوری کرنیوالے اپنا فیصلہ کیسے کرسکتے ہیں۔ انہوں نے کہاکہ آڈیٹرجنرل کی رپورٹ میں بے قاعدگیوں کے انکشاف پرسندھ حکومت قائمہ کمیٹی کی تشکیل نہیں کررہی ہے سندھ اسمبلی کی قائمہ کمیٹییز نہ بنیں تو ہم انتہائی اقدام اٹھائیں اورحکومت کے لیے سندھ اسمبلی کا اجلاس چلانا مشکل ہوجائیگا۔ رکن سندھ اسمبلی خرم شیرزمان نے کہاکہ جو پارٹی پہلے حکمراں اور اج اپوزیشن میں ہے وہ دوسال تک پبلک اکائونٹس کمیٹی کی چیئرمین شپ نہ لے،ہم تو چاہتے تھے کہ قومی،اسمبلی اور پنجاب اسمبلی میں پبلک اکائونٹس کمیٹی پیپلزپارٹی کو دیں مگرپیپلزپارٹی ن لیگ کی بغل بچہ بنی ہوئی ہے۔ انہوں نے کہاکہ کراچی میں سیاسی بنیادوں پرچائنہ کٹنگ ہوئی ہے ،وسیم اخترآنکھیں بندکرکے میئرنہیں بنے انہیں تمام حقائق کا علم ہے پبلک پارکس پرقبضہ کرکے مونومنٹس بنائے گئے رفاہی پلاٹس پرشادی ہالز بناکراربوں روپے کمائے گئے ہیں۔متعلقہ عنوان :
کراچی میں شائع ہونے والی مزید خبریں
اس وقت عہدوں میں نہیں الجھنا چاہیے، میری گورنر شپ کا سفر سب کے سامنے ہے،گورنر سندھ
ویسٹ انڈیز کا پاکستان ویمنز ٹیم کے خلاف ٹاس جیت پہلے بیٹنگ کا فیصلہ
رینجرزسندھ نے کراچی میں متعدد وارداتوں میں ملوث4 ملزمان کوگرفتار کر لیا
ج*جامعہ کراچی ملازمین و اساتذہ کا تنخواہوں کی عد م ادائیگی پر احتجاج
،غیر مسلم ممالک نہیں چاہتے کہ تمام مسلم ممالک ایک پلیٹ فارم پر جمع ہو کر اپنے معاشی مسائل کا حل نکالیں،بلال ..
ح*گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
کراچی سے متعلقہ
پاکستان کی تازہ ترین خبریں
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پیٹرول ڈلوا کرفرارہونے والی گاڑی پرگارڈ کی فائرنگ سے دوراہگیرخواتین زخمی
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
الیکشن کمیشن نے ضابطہ اخلاق کی خلاف ورزی پر محکمہ زراعت کے ملازم کو نوٹس جاری کر دیا
-
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقررکردیا
-
پتوکی، تین کس ملزمان 16سالہ لڑکی اغوا کرکے فرارپولیس نے مقدمہ درج کرلیا
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
بلال یاسین روٹی کی سرکاری نرخوں پر دستیابی یقینی بنانے کیلئے میدان میں آگئے
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
برائلرگوشت کی قیمت 699 روپے فی کلو تک پہنچ گئی