ٹپی 3 سال سے بیرون ملک ہیں ،ْ رپورٹ سپریم کورٹ میں جمع

بدھ 12 دسمبر 2018 21:08

کراچی (اُردو پوائنٹ اخبارتازہ ترین - این این آئی۔ 12 دسمبر2018ء) سندھ پولیس نے زمینوں پر قبضے کے معاملے میں سپریم کورٹ میں اویس مظفر ٹپی سے متعلق رپورٹ جمع کراتے ہوئے کہا ہے کہ سابق صوبائی وزیر تین سال سے بیرون ملک ہیں۔سپریم کورٹ کراچی رجسٹری میں چیف جسٹس پاکستان میاں ثاقب نثار کی سربراہی میں بنچ نے زمینوں پر قبضے اور سابق صوبائی وزیر اویس مظفر ٹپی کی طلبی سے متعلق معاملے کی سماعت کی۔

(جاری ہے)

ڈی آئی جی سائوتھ جاوید اوڈھو سپریم کورٹ کے روبرو پیش ہوئے اور بتایا کہ سابق صوبائی وزیر اویس مظفر ٹپی تین سال سے ملک سے باہر ہیں، سپریم کورٹ کی ہدایت پر اویس مظفر ٹپی کی والدہ کو بیٹے کی طلبی کا نوٹس دیدیا ہے ،ْ اویس مظفر ٹپی کے حوالے سے ایف آئی اے کو بھی خط لکھ دیا ہے۔گزشتہ روز سپریم کورٹ نے زمینوں پر قبضے سے متعلق شکایت پر اویس مظفر ٹپی کو پیش کرنے کا حکم دیا تھا۔ ایک شہری کی اس شکایت پر چیف جسٹس نے استفسار کیا تھا کہ کون ہے یہ ٹپی کہاں ہے یہ ٹپی اسے بدھ کو پیش کیا جائے۔

کراچی میں شائع ہونے والی مزید خبریں