رحمت ویلفیئرٹرسٹ کے تحت ہڈیوں کے بھربھرے پن کی تشخیص کا مفت کیمپ

200سے زائد افراد کا معائنہ ، ہڈیوں اورموٹاپے کے ٹیسٹ کیے گئے اورادویات تجویز کی گئیں

بدھ 19 دسمبر 2018 20:25

کراچی (اُردو پوائنٹ اخبارتازہ ترین - این این آئی۔ 19 دسمبر2018ء) رحمت ویلفیئر ٹرسٹ کے تحت نئی کراچی سکیٹر الیون ڈی میں ہڈیوں کے بھربھرے پن اورموٹاپے کی تشخیص کیلئے مفت میڈیکل کیمپ منعقد کیا گیا۔کیمپ میں 200سے زائد مر وخواتین کامعائنہ کیا گیا اوران کے ہڈیوں کے بھربھرے پن اورفٹنس ٹیسٹ کیے گئے ۔کیمپ کا افتتاح بانی وچیئر مین ٹرسٹ وبزرگ سماجی رہنما رحمت بھائی نے کیا ۔

کیمپ میں نیوٹریشنسٹ عادل لودھی اوران کی ٹیم نے مریضوں کامعائنہ کیا اور ٹیسٹ لیے۔

(جاری ہے)

اس موقع پر محمد ٹیپو قیوم ،زاہد محمود ودیگر موجود تھے۔افتتاح کے موقع پر رحمت بھائی نے کہا کہ کیمپ کے انعقاد کا مقصد لوگوں کو ہڈیوں کے مرض اورموٹاپے کی نقصانات اوران سے بچنے کیلئے احتیاطی تدابیر سے آگا ہ کرنا تھا ۔انہوں ے کہا کہ دوسرے امراض کی نسبت لوگوں میں ہڈیو ں کے امراض سے متعلق آگہی نہیں ہے ، 3500روپے کے ٰٹیسٹ کیمپ میں مفت کیا گیا ،انہوں نے کہا کہ وسائل سے محروم لوگ علاج سے قاصر ہیں ،ہماری کوشش ہے کہ امراض سے متعلق لوگوں میں شعوروآگہی ہو اورانہیں علاج کی سہولتیں بھی مہیا کی جائیں ۔