سٹیٹ بینک کی رپورٹ نے معاشی گراف کی خطرناک سطح کی نشاندہی کی ہے، مرتضیٰ وہاب

بیرونی سرمایہ کاری میں77 فیصد کمی نے حکومت کے دعووں کی قلعی کھول دی،مشیر اطلاعات وقانون سندھ

جمعرات 17 جنوری 2019 18:09

کراچی (اُردو پوائنٹ اخبارتازہ ترین - این این آئی۔ 17 جنوری2019ء) وزیر اعلیٰ سندھ کے مشیر اطلاعات و قانون اور اینٹی کرپشن بیرسٹر مرتضیٰ وہاب نے کہا ہے کہ اسٹیٹ بینک کی رپورٹ کے مطابق بیرونی سرمایہ کاری میں 77 فیصد کمی ہوئی ہے جس کی وجہ سے معاشی گراف خطرناک حدوں کو چھو رہا ہے ، وفاقی حکومت کے بلندو بانگ دعووں نے ان کی قلعی کھول دی ہے۔ ان خیالات کا اظہار انہوں نے جمعرات کو سندھ اسمبلی بلڈنگ کے باہر صحافیوں سے گفتگو کرتے ہوئے کیا۔

انہوں نے کہا کہ وفاقی حکومت زمینی حقائق سے لاعلم اور عوام کے مسائل سے مکمل طور پر بے خبر ہے۔ ان کے ماہرین نے ملکی معیشت کو تباہی کے دہانے پر لا کھڑا کر دیا ہے ، اپنی ناکامی کا اعتراف کرنے کے بجائے سیاسی حریفوں کو ہر معاملے کا ذمہ دار ٹھہرا رہے ہیں۔

(جاری ہے)

انہوں نے مزید کہا کہ اس ناکام حکومت کی پالیسیوں کی وجہ سے اسٹاک مارکیٹ سے پونے تین ارب ڈالر نکالے جاچکے ہیں جس کا نقصان چھوٹے سرمایہ کاروں کو ہوا ہے اور وہ حکومت کو بددعائیں دے رہے ہیں اس کے علاوہ بیرونی سرمایہ کاری میں خطرناک حد تک کمی سے ملک میں بے روزگاری کا طوفان آچکا ہے مگر وزیراعظم اور ان کی کابینہ کے وزراء سب " اچھا ہی" کا راگ الاپنے میں مصروف ہیں آج پاکستانی قوم ان نااہل حکمرانوں سے سوال کرتی ہے کہ اس معاشی تباہی کا ذمہ دار کون ہی صوبائی مشیر نے صحافیوں کے سوالات کا جواب دیتے ہوئے کہا کہ پوری قوم جانتی ہے کہ 2011 میں جناح ہسپتال اور قومی ادارہ امراض قلب کی کیا حالت تھی اور آج یہ ہسپتال سندھ حکومت کے پاس آنے کے بعد کیسے ہیں ، ان ہسپتالوں کا بجٹ پہلے کروڑوں میں تھا آج ان کا بجٹ چودہ ارب روپے ہے جس سے پاکستان میں رہنے والا ہر باشندہ استفادہ کرسکتا ہے۔

انہوں نے کہا کہ کراچی شہر کے یہ ہسپتال سندھ حکومت کے زیر انتظام آنے کے بعد اسٹیٹ آف دی آرٹ بن چکے ہیں جس میں لاکھوں روپے کا علاج معالجہ بنا کسی تفریق کے مفت کیا جاتا ہے۔ انہوں نے کہا کہ وفاقی وزیر اطلاعات فواد چوہدری کے متعلق ان کے ساتھی کہہ چکے ہیں کہ وزیراعظم فواد چوہدری کی باتوں کو سنجیدگی سے نہیں لیتے۔ فواد چوہدری سندھ فتح کرنے کی خیالی باتوں میں یہ بھول جاتے ہیں کہ سندھ اسمبلی میں عددی اکثریت پاکستان پیپلز پارٹی کی ہے۔ افسوس ناک بات یہ ہے کہ خود تحریک انصاف مفادات کی خاطر دھڑے بندی کا شکار ہے اور یہ پیپلز پارٹی کے فارورڈ بلاک کی ہوائیاں اڑاتے ہیں پہلے انہیں آئین پاکستان کا بغور مطالعہ کرلینا چاہیے۔

Facebook Twitter Reddit Pinterest Whatsapp

کراچی میں شائع ہونے والی مزید خبریں

رینجرزاور پولیس مشترکہ کاروائیاں،9ملزمان گرفتار

تجاوزات کو روکنے کے لیے تمام اداروں کو مل کر کام کر نے کی ضرورت ہے،کمشنر کراچی

سوئی سدرن گیس کا پیراڈائز بیکرز فیکٹری پر چھاپہ ، ایف آئی آر درج

کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ

شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف

محکمہ اسپورٹس سندھ نے صوبہ میں سندھ اسپورٹس سٹی بنانے اور ڈویژنل سطح پر اسپورٹس گیمز کرانے کا اعلان ..

صوبے میں صنعتی ترقی کے لئے تمام اسٹیک ہولڈرز کو مل کر کام کرنا ہوگا،جام اکرام اللہ دھاریجو

کوئی کسان اپنی زرعی زمین فروخت کریگا تو اس کو کسان کارڈ حکومت کو واپس کرنا ہوگا،سردار محمد بخش مہر

دوسرے منصوبوں کے ساتھ سکھر حیدرآباد موٹروے کو بھی ایس آئی ایف سی کے ذریعے ترجیح دی جائے، ناصر حسین ..

سندھ کے سینئر وزیر شرجیل انعام میمن کی ہدایات پر سندھ بھر میں منشیات فروشوں کے خلاف مہم جاری

سندھ آئندہ تعلیمی سال سائنس کی تعلیم کی اہمیت کو اجاگر کرنے کے طور پر منایا جائیگا۔ سید سردار علی شاہ

محکمہ اسپورٹس سندھ نے صوبہ میں سندھ اسپورٹس سٹی بنانے اور ڈویژنل سطح پر اسپورٹس گیمز کرانے کا اعلان ..

سٹیٹ بینک کی رپورٹ نے معاشی گراف کی خطرناک سطح کی نشاندہی کی ہے، مرتضیٰ وہاب

بیرونی سرمایہ کاری میں77 فیصد کمی نے حکومت کے دعووں کی قلعی کھول دی،مشیر اطلاعات وقانون سندھ

متعلقہ عنوان :

کراچی میں شائع ہونے والی مزید خبریں

کراچی سے متعلقہ

پاکستان کی تازہ ترین خبریں

پاکستان کے مشہور شہروں کی خبریں