ماڈل کورٹ نے دو افراد کے قتل کے مقدمے میں سانحہ بلدیہ فیکٹری کیس کے مرکزی ملزم رحمان بھولا سمیت 3 ملزمان کو بری کردیا

ہفتہ ستمبر 23:53

کراچی(اُردو پوائنٹ اخبارتازہ ترین - این این آئی۔ 21 ستمبر2019ء) ماڈل کورٹ نے دو افراد کے قتل کے مقدمے میں سانحہ بلدیہ فیکٹری کیس کے مرکزی ملزم رحمان بھولا سمیت 3 ملزمان کو بری کردیا۔کراچی سینٹرل جیل میں اے ڈی جے ویسٹ ماڈل کورٹ کے روبرو دو افراد کے قتل کے مقدمے کا فیصلہ سنا دیا۔ عدالت نے سانحہ بلدیہ فیکٹری کیس کے مرکزی ملزم رحمان بھولا، عبدالقادر اور محمد نعیم کو بری کردیا۔

(جاری ہے)

رحمان بھولا کے وکیل عابد زمان ایڈوکیٹ نے دلائل دیتے ہوئے کہا تھا کہ میرے موکل کو پولیس نے بد دیانتی کی بنیاد پر کیس میں نامزد کیا۔ رحمان بھولا کا اس قتل کیس سے کوئی تعلق نہیں۔ استغاثہ کے پیش کردہ گواہوں کے بیانات میں تضاد ہے۔پولیس کے مطابق ملزمان نے 2012 میں شہری مرید حسین اور بشیر احمد کو قتل کیا۔ ملزمان کیخلاف قتل کا مقدمہ تھانہ بلدیہ ٹان میں درج کیا گیا تھا۔

کراچی شہر میں شائع ہونے والی مزید خبریں:

Your Thoughts and Comments