کراچی، موسم خشک و سرد رہنے کا امکان، آلودہ شہروں میں تیسرا نمبرپرآگیا

جمعرات 28 جنوری 2021 14:30

کراچی(اُردو پوائنٹ اخبارتازہ ترین - این این آئی۔ 28 جنوری2021ء) محکمہ موسمیات کے مطابق آئندہ 24 گھنٹوں کی دوران کراچی کا موسم خشک اور سرد رہنے کا امکان ہے، ایئرکوالٹی انڈیکس کے مطابق کراچی دنیا کے آلودہ ترین شہروں میں جمعرات کوتیسرے نمبر پر رہا۔شہر قائد میں جمعرات کوکم سے کم درجہ حرارت 9.2ڈگری سینٹی گریڈ ریکارڈ کیا گیا، کہر کے سبب ایئرپورٹ کے قریب حد نگاہ 3کلومیٹرریکارڈ کی گئی۔

کراچی میں شمال مشرق کی سمت سے 7کلو میٹر فی گھنٹہ کی رفتار سے چلنے والی ہوائوں میں نمی کا تناسب51 فیصد رہا۔

(جاری ہے)

دوسری جانب جمعرات کو کراچی کی فضا انتہائی مضر صحت رہی،ایئرکوالٹی انڈیکس کے مطابق شہر قائد دنیا کے آلودہ ترین شہروں میں تیسرے نمبر پر رہا، شہر کی فضا میں آلودہ ذرات کی مقدار 274 پرٹیکیولیٹ میٹرز ریکارڈ کیئے گئے۔دنیا کے آلودہ شہروں کی فہرست میں لاہور 277 پرٹیکیولیٹ میٹرز کے ساتھ چھٹے نمبر پر رہا۔

دنیا کے آلودہ شہروں میں جمعرات کو کرغزستان کا شہر بشکیک پہلے اور افغانستان کا شہر کابل دوسرے نمبر پررہا ، درجہ بندی کے مطابق 151 سی200 درجے تک آلودگی مضر صحت ہے،201 سے 300 درجے تک آلودگی انتہائی مضر صحت ہوتی ہے جبکہ 301 سے زائد درجہ خطرناک آلودگی کو ظاہر کرتا ہے۔