/کراچی ، حلیم عادل شیخ آئے روز حملوں کے ڈرامے رچا کر پاپولر ہونے کی ناکام کوشش کر رہا ہے ،صوبائی وزیر نواب تیمور تالپور

اتوار 1 اگست 2021 22:00

Fکراچی(اُردو پوائنٹ اخبارتازہ ترین - آن لائن۔ 01 اگست2021ء) سندھ اسمبلی میں اپوزیشن لیڈر حلیم عادل شیخ کی جانب سے نواب شاہ میں اپنے اوپر حملے کا الزام پی پی پی قیادت پر لگانے پر سندھ کے صوبائی وزیر نواب تیمور تالپور نے کہا ہے کہ حلیم عادل شیخ آئے روز حملوں کے ڈرامے رچا کر پاپولر ہونے کی ناکام کوشش کر رہا ہے لیکن سندھ کی عوام لینڈ مافیا کے اس سرغنہ کو اچھی طرح جانتی ہے انہوں نے کہا کہ حلیم عادل شیخ اپنے قد سے بڑھکر اور پارٹی قیادت کیخلاف مغلظات بکے گا تو کارکن اس کو کسی صورت برداشت نہیں کریں گے پھر ردعمل کے طور پر گندے انڈوں اور جوتوں کا سامنا تو کرنا پڑے گا انہوں نے کہا کہ جیالے اپنی قیادت کیخلاف بدزبانی کرنے والوں کی زبانیں کھینچنا جانتے ہیں اگر حلیم عادل شیخ نے دوبارہ ایسی حرکت کی تو اس کا سندھ کے ہر شہر میں گندے انڈوں اور جوتوں سے ہی استقبال کریں گے آئندہ وہ ہماری لیڈر شپ کے خلاف بیان دیں تو اپنی حیثیت دیکھ کر اور سوچ سمجھ کر دیں.

متعلقہ عنوان :

کراچی میں شائع ہونے والی مزید خبریں