اسپیکر سندھ اسمبلی اور خرم شیر زمان میں تلخ کلامی

اسپیکر صاحب آپ 2 بجے اجلاس کراتے تھے، وہ وقت صحیح تھا، لیکن یہ مجھے رات کا اثر لگتا ہے،رہنما پی ٹی آئی میں نے آپ کے مشورے پر صبح اجلاس کیا، چاہتے ہیں کہ اپوزیشن کے مطابق چلیں،آغا سراج درانی کا جواب

جمعہ 17 ستمبر 2021 20:25

اسپیکر سندھ اسمبلی اور خرم شیر زمان میں تلخ کلامی

کراچی (اُردو پوائنٹ اخبارتازہ ترین - این این آئی۔ 17 ستمبر2021ء) سندھ اسمبلی اجلاس کے دوران اسپیکر سندھ اسمبلی آغا سراج درانی اور پاکستان تحریکِ انصاف (پی ٹی آئی)کے رہنما و رکن صوبائی اسمبلی خرم شیر زمان کے درمیان تلخ کلامی ہوئی ہے۔دورانِ اجلاس خرم شیر زمان نے طنز کے تیر برساتے ہوئے کہا کہ اسپیکر صاحب آپ 2 بجے اجلاس کراتے تھے، وہ وقت صحیح تھا، لیکن یہ مجھے رات کا اثر لگتا ہے۔

اسپیکر سندھ اسمبلی آغا سراج درانی نے کہا کہ میں نے آپ کے مشورے پر صبح اجلاس کیا، چاہتے ہیں کہ اپوزیشن کے مطابق چلیں۔اس موقع پر پاکستان پیپلز پارٹی (پی پی پی)کے رکنِ سندھ اسمبلی تیمور تالپور نے خرم شیر زمان پر جوابی وار کرتے ہوئے اسپیکر سے کہا کہ ان کی ناک چیک کر لیں اس پر پاوڈر لگا ہوتا ہے۔

(جاری ہے)

تیمور تالپور نے کہا کہ پتہ ہے اسپیکر صاحب! آج تک جدید منشیات پر کیوں پابندی نہیں لگی کیونکہ ان کے بڑے یہ استعمال کرتے ہیں۔

اس کے بعد اسپیکر سندھ اسمبلی آغا سراج درانی اور خرم شیر زمان کے درمیان تلخ کلامی ہوئی۔خرم شیر زمان نے اسپیکر سے مخاطب ہوتے ہوئے کہا کہ آپ انہیں بچانے کے لیے ہمیشہ یہ طریقہ اپناتے ہیں۔اسپیکر آغا سراج درانی نے انہیں جواب دیا کہ میرا کام ہے جو کرتا ہوں، آپ بیٹھ جائیں، آپ سمجھتے کچھ نہیں، صرف بولتے ہیں۔