کراچی،لیاقت آباد میں پولیس نے 3 سال سے مفرور منشیات فروش کو گرفتار کرلیا

ہفتہ 4 دسمبر 2021 00:13

کراچی(اُردو پوائنٹ اخبارتازہ ترین - آن لائن۔ 03 دسمبر2021ء) لیاقت آباد میں پولیس نے کارروائی کرتے ہوئے 3 سال سے مفرور منشیات کے سوداگر کو گرفتار کر لیا۔

(جاری ہے)

تفصیلات کے مطابق لیاقت آباد میں پولیس نے کارروائی کرتے ہوئے 3 سال سے مفرور منشیات کے سوداگر کو گرفتار کر لیا،ایس ایس پی سینٹرل کے مطابق ملزم کاشف بلوچ لیاقت آباد میں نارکوٹکس ایکٹ کی ایف آئی آر نمبر 297/18 میں عدالت سے مفرور تھا،انہوں نے بتایا کہ ایس ایچ او لیاقت آباد لیاقت حیات کی نگرانی میں سب انسپکٹر احمد نواز کی پولیس پارٹی نے کارروائی کی،ایس ایس پی سینٹرل کا کہنا ہے کہ پولیس پارٹی نے خفیہ اطلاع پر لیاقت آباد 10 نمبر پر چھاپہ مار کر ملزم کاشف کو گرفتار کیا،ان کا کہنا ہے کہ لیاری چاکیواڑہ کی جھٹ پٹ مارکیٹ کا رہائشی ملزم شہر کے کئی علاقوں میں روپوش رہا،پولیس کے مطابق ملزم کاشف بلوچ ملیر، الفلاح اور اورنگی ٹاؤن میں بھی منشیات فروشی کرتا رہا ہے،ملزم انسدادِ منشیات کی کلفٹن میں واقع عدالت سے ضمانت کے بعد مفرور ہو گیا تھا۔