بھارتی جیل سے پانچ سال بعد رہائی پانے والی10ماہی گیروں کے کراچی پہنچنے پر شاندار استقبال

ایڈمنسٹریٹرفشر مینز کو آپریٹو سوسائٹی کا ماہی گیروں کو فی کس 20ہزار روپے مالی امداد دینے اور استقبالیہ تقریب کے انعقاد کا اعلان

اتوار 5 دسمبر 2021 18:25

کراچی (اُردو پوائنٹ اخبارتازہ ترین - این این آئی۔ 05 دسمبر2021ء) بھارتی جیل سے پانچ سال بعد رہائی پانے والی10ماہی گیروں کے کراچی پہنچنے پر شاندار استقبال،رشتے داروں سے ملنے کے دوران رقت انگیز مناظر،ایڈمنسٹریٹرفشر مینز کو آپریٹو سوسائٹی زاہد ابراہیم بھٹی نے ماہی گیروں کو بھارتی قید رہائی پانے پر مبارکباد دیتے ہوئے فی کس 20ہزار روپے مالی امداد اورکراچی فش ہاربر پر ان کے اعزاز میں پروقار استقبالیہ تقریب کے انعقاد کا اعلان کیا۔

دونوں ملکوں کے غریب ماہی گیروں کی گرفتاری کے بعد رہائی کے لیے آسان پالیسی ترتیب دینے کی اپیل۔تفصیلات کے مطابق کے ٹی بندر کے علاقے سے تعلق رکھنے والے 10ماہی گیروں کو پانچ سال قید وبند کی صعبتیںبرداشت کرنے کے بعد رہائی پا کر کراچی پہنچ گئے۔

(جاری ہے)

ایڈمنسٹریٹر فشر مینزکوآپریٹو سوسائٹی زاہد ابراہیم بھٹی نے ایدھی مرکز ٹاورپر بھارتی قید سے رہائی پاکر کراچی پہنچے والے ماہی گیروں اصغر،ابراہیم،رستم،شوکت ،محمد علی،علی اصغر،حسن علی،علی محمد جڑیو،علی محمداور محمد سومار کا استقبال کیا۔

اور انہیں ہار پہنائے۔ایدھی مرکز پر رشتے داروں سے ملنے کے دوران رقت انگیز مناظر،ماہی گیر رشتے داروں سے لپٹ کر خوشی اورغم کے زارو قطار آنسو بہاتے رہے۔ماہی گیروں نے بتایا کہ بھارتی جیلوں میں دوران قید ان کیساتھ انتہائی بہیمانہ رویہ اختیار کیاگیا۔روٹی اور سالن میں مٹی کی آمیزش لازمی ہوتی تھی۔اور تشدد کا نشانہ بنایا جانابھی معمول تھا۔

ماہی گیروں کا کہنا تھا کہ اب ہم اپنے وطن پہنچ کر اللہ رب العزت کے شکرگزار ہیں۔اس موقع پر ایڈمنسٹریٹر فشر مینز کوآپریٹو سوسائٹی زاہد ابراہیم بھٹی نے میڈیاسے بات چیت کرتے ہوئے کہا کہ کھلے سمندر میں کوئی ایسی دیوار نہیں۔جس سے معلوم ہو سکے۔یہ سمندر کا پانی پاکستانی ہے کہ یا پھر بھارت کا۔دوران ماہی گیری سمندر کی تیز لہروں اور تیز سمندری ہوائوں کی وجہ سے دونوں ملکوں کے ماہی گیر ایک دوسرے کے علاقوں میں غلطی سے آجاتے ہیں۔

غلطی سے سرحد عبور کرنے والے غریب ماہی گیروں کی جلد رہائی کے لیے دونوں ملکوں کو سرجوڑ کر ایسی دوستانہ پالیسی ترتیب دینے کی اشد ضرورت ہے۔جس کی بدولت ان غریب ماہی گیروں کی جلد رہائی ممکن ہو سکے۔ایڈمنسٹریٹر فشر مینز کوآپریٹو سوسائٹی زاہد ابراہیم بھٹی نے کہا کہ ماہی گیروں کی سہولت کے لیے بنائی جانے والی پالیسی سے دونوں ملکوں کے ماہی گیروں کا فائدہ ہو گا۔ہم حکومت پاکستان سے بھی اپیل کرتے ہیں ۔کہ وہ اس پر ہمدردانہ غور کرے۔ایڈمنسٹریٹر فشر مینز کوآپریٹو سوسائٹی زاہد ابراہیم بھٹی نے رہائی پاکر کراچی پہنچنے والے ماہی گیروں کوفی کس 20ہزار روپے مالیامداد دینے اورکراچی فش ہاربر پر ان کیاعزاز میں پروقار استقبالیہ تقریب منعقد کرنے کا بھی اعلان کیا۔

کراچی میں شائع ہونے والی مزید خبریں