کراچی: لیاری میں دستی بم حملہ، 1 شخص زخمی، مقدمہ درج

کسی دھمکی یا بھتے کی کال موصول نہیں ہوئی، البتہ بلڈر کے مختلف تنازعات بھی چل رہے ہیں،بلڈرعبدالوہاب

جمعرات 16 جنوری 2025 12:31

کراچی(اُردو پوائنٹ اخبارتازہ ترین - این این آئی۔ 16 جنوری2025ء)کراچی کے علاقے لیاری کلاکوٹ میں زیرِ تعمیر عمارت کے پلاٹ پر دستی بم حملے کا مقدمہ بلڈر حاجی عبدالوہاب کی مدعیت میں کلاکوٹ تھانے میں درج کر لیا گیا ہے، واقعے میں ایک شخص زخمی ہوا ہے۔

(جاری ہے)

پولیس کے مطابق مقدمے میں انسدادِ دہشت گردی اور قتل بالسبب کی دفعات شامل کی گئی ہیں۔بلڈر حاجی عبدالوہاب نے اپنے بیان میں بتایاکہ میرے پلاٹ کے گیٹ پر دستی بم کے حملے کی وجہ سے سوراخ ہو گئے ہیں۔پولیس حکام کے مطابق بلڈر نے بتایاکہ انہیں کسی دھمکی یا بھتے کی کال موصول نہیں ہوئی، البتہ بلڈر کے مختلف تنازعات بھی چل رہے ہیں۔پولیس کے مطابق دستی بم حملے کی سی سی ٹی وی فوٹیج بھی دیکھی جا رہی ہے۔

کراچی میں شائع ہونے والی مزید خبریں