رینجرز اور پولیس کی مشترکہ کارروائی، ملیر سے غیر قانونی اسلحہ کی خرید وفروخت میں ملوث ملزمان گرفتار

کراچی (اُردو پوائنٹ اخبارتازہ ترین - این این آئی۔ 12 جون2025ء) پاکستان رینجرز (سندھ)اور پولیس نے انٹیلی جنس معلومات کی بنیاد پرمشترکہ کارروائی کرتے ہوئے کراچی کے علاقے باون شاہ ملیر سے غیر قانونی اسلحہ کے خرید وفروخت میں ملوث ملزم عبداللہ کو گرفتار کر لیا۔گرفتار ملزم کے قبضے سے بھاری تعداد میں غیر قانونی آٹو میٹک اسلحہ اور ایمونیشن برآمد۔

تفصیلات کے مطابق خفیہ اطلاعات کی بنیاد پر ملزم کی موجودگی پر کراچی کے علاقے باون شاہ ملیر میں چھاپہ مار کارروائی کرتے ہوئے ملزم عبداللہ کو گرفتار کر لیا۔ ملزم کے قبضے سے تین عدد 222بور رائفل بمعہ میگزین، 1عدد 223بور رائفل بمعہ دو میگزین، ایک عد د 12بور رائفل بمعہ تین میگزین، 972روند،دو عددٹیلی اسکوپ اور ایک عد موبائل فون شامل ہے۔

(جاری ہے)

ابتدائی تفتیش کے دوران ملزم نے غیر قانونی اسلحہ کے خرید وفروخت میں ملوث ہونے کا اعتراف کیا ہے۔

گرفتار ملزم کو بمعہ اسلحہ و ایمونیشن اور مسروقہ سامان مزید قانونی کاروائی کے لئے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔