فیصل قریشی ڈیلٹا وائرس میں مبتلاہوگئے‘خود کو قرنطینہ کرلیا

بدھ 4 اگست 2021 11:15

کراچی (اُردو پوائنٹ اخبارتازہ ترین - این این آئی۔ 04 اگست2021ء) پاکستان شوبز انڈسٹری کے معروف اداکار و میزبان فیصل قریشی ڈیلٹا وائرس کا شکار ہوگئے۔اس حوالے سے فیصل قریشی نے فوٹو اینڈ ویڈیو شیئرنگ ایپ انسٹاگرام پر اپنے تمام چاہنے والوں کے لیے خصوصی پیغام جاری کرتے ہوئے اپنی صحت سے متعلق ایک اہم اطلاع دی۔فیصل قریشی نے اپنی انسٹاگرام اسٹوری میں کہا کہ اپنا خیال رکھیں اور محفوظ رہیں کیونکہ ڈیلٹا وائرس ہمارے بہت قریب ہے۔

(جاری ہے)

اداکار نے کہا کہ ’گزشتہ روز مجھ میں ڈیلٹا وائرس کی تصدیق ہوئی ہے جس کے بعد، میں نے کچھ دن کے لیے خود کو قرنطینہ کرلیا ہے۔اٴْنہوں نے کہا کہ’مجھ میں ابھی تک ڈیلٹا وائرس کی کوئی علامت ظاہر نہیں ہوئی ہے لیکن احتیاطاًً میں آئسولیٹ ہوں۔فیصل قریشی نے مزید کہا کہ ’میں کورونا ویکسین لگوا چکا ہوں اور اس کے باوجود بھی مجھے ڈیلٹا وائرس ہوگیا ہے۔ اداکار کی اس انسٹاگرام اسٹوری کے بعد شوبز ستاروں سمیت سوشل میڈیا صارفین اٴْن کی جلد صحتیابی کے لیے دٴْعاگو ہیں۔

کراچی شہر میں شائع ہونے والی مزید خبریں:

Your Thoughts and Comments