پراچہ ایکسچینج 20 ویں سندھ کراٹے چمپئن شپ 27 اپریل کو منعقد ہوگی

منگل 23 اپریل 2019 15:45

کراچی (اُردو پوائنٹ اخبارتازہ ترین - این این آئی۔ 23 اپریل2019ء) پراچہ ایکسچینج 20ویں سندھ کراٹے چمپئن شپ 27-28 اپریل کو سندھ اسپورٹس بورڈ ناظم آبادکمپلیکس کراچی میں ہوگی۔ 14 ڈسٹرکٹ کے 170 کھلاڑی اورآفیشلز شرکت کریں گے۔ سندھ کراٹے ایسوسی ایشن کی زیر نگرانی دو روزہ پراچہ ایکسچینج 20 ویں سندھ کراٹے چمپئن شپ 27 اور 28 اپریل 2019 کو محکمہ کھیل و امور نوجوانان حکومت سندہ اور ٹورس مکس مارشل آرٹ و فٹنس کے تعاون سے سندھ اسپورٹس بورڈ ناظم آباد کمپلیکس کراچی میں منعقد ہوگی۔

14 الحاق شدہ کراٹے یونٹس کے 170 کھلاڑی و آفیشلز کی شرکت متوقع ہے۔ تمام ٹیمیں 8 کھلاڑیوں اور 1 آفیشل پر مشتمل ہوگی۔ چمپئن شپ ورلڈ کراٹے فیڈریشن کے قوانین کے تحت منعقد ہوگی جو انفرادی کاتا،ٹیم کاتا،انفرادی کمیتے منفی 40، 45, 50, 55,60 67ٍ, 75 اور پلس 75 کلوگرام اور ٹیم کمیتے کے مقابلوں پر مشتمل ہوگی۔

(جاری ہے)

ٹیموں کے انٹری 20 اپریل تک ہوگی۔ سندھ کراٹے ایسوسی ایشن کے صدر سینسی نسیم احمد قریشی نے سندھ وومن کراٹے ایسوسی ایشن کی نائب صدر ڈاکٹر قرت العین کو چیئرپرسن آرگنائزنگ کمیٹی، واصف علی سیکرٹری، عبد الرحیم، محمد معین ڈیڈھی اور نجمہ واحد کو ایونٹ کوآرڈینٹر مقرر کیا ہے جبکہ کرامت اللہ خان، محبوب عالم، نادر احمد، سید شاہ نور، حامد بختیار، مبینہ شیخ، راشد علی، شبیہ رضا، شہباز خان، کلثوم ہزارہ، عبد الرحیم، واصف علی، سید شاہ فیصل، محمد معین ڈھیڈھی ریفری ججز اور آفیشلزکے فرائض انجام دیں گے۔

تمام ٹیمیں 27 اپریل بروز ہفتہ دوپہر 1 بجے وینیو پر رپوٹ کریں گی۔ وزن مینجر میٹنگ اور ڈراز کے بعد شام 5 بجے چمپئن شپ کا افتتاح ہوگا۔ 28 اپریل بروز اتوار شام 5 بجے تقریب تقسیم انعامات منعقد ہوگی۔