وزیراعظم عمران خان کو ہی دیکھ لیں انہوں نے ملک میں کرکٹ کا کیا حشر کیا ہوا ہے،جاوید میانداد

آسٹریلیا میں قومی کرکٹ ٹیم کی شکست کا ذمہ دار کپتان اظہر علی کو ٹھہرانا درست نہیں ہے،سابق کپتان قومی کرکٹ ٹیم

جمعہ 6 دسمبر 2019 23:48

وزیراعظم عمران خان کو ہی دیکھ لیں انہوں نے ملک میں کرکٹ کا کیا حشر کیا ہوا ہے،جاوید میانداد

کراچی(اُردو پوائنٹ اخبارتازہ ترین - این این آئی۔ 06 دسمبر2019ء) پاکستان کے لیجنڈ بیٹسمین اور سابق کپتان جاوید میانداد نے موجودہ کرکٹ کی صورتحال کے حوالے سے وزیراعظم پر تنقید کرتے ہوئے کہا کہ وزیراعظم عمران خان کو ہی دیکھ لیں انہوں نے ملک میں کرکٹ کا کیا حشر کیا ہوا ہے۔خصوصی گفتگوکرتے ہوئے جاویدمیاں دادنے کہا کہ ملک میں وزیراعظم کی ہدایت پر ڈپارٹمنٹنل کرکٹ بند کرنے سے ہماری کرکٹ کو بہت زیادہ نقصان ہورہا ہے۔

(جاری ہے)

انہوں نے آسٹریلیا میں شکست پر بات کرتے ہوئے کہا کہ آسٹریلیا میں قومی کرکٹ ٹیم کی شکست کا ذمہ دار کپتان اظہر علی کو ٹھہرانا درست نہیں ہے، انہوں نے کہا کہ اگر پوری ٹیم ہی صرف 70 اسکور کرکے آئوٹ ہوجائے تو اِس میں کپتان کیا کر سکتا ہے۔جاوید میاندادنے کہاکہ سرفراز احمد بہترین وکٹ کیپر ہیں اور ان کی ٹیم میں واقعی جگہ بنتی ہے، سرفراز کو قومی کرکٹ ٹیم سے نکال کر ان کے ساتھ زیادتی کی گئی ہے۔جاوید میانداد نے اپنی گفتگو کے آخر میں مصباح الحق کے عہدے پر بات کی اور کہا کہ مصباح الحق کو ایک ساتھ تین عہدے دینا ان کی سمجھ سے باہر ہے۔