قائد اعظم ٹرافی فرسٹ الیون ،سندھ نے سنٹرل پنجاب کے خلاف 432 رنز کے ہدف کے تعاقب میں 4 وکٹوں پر 152 رنز بنالیے

کراچی (اُردو پوائنٹ اخبارتازہ ترین - این این آئی۔ 04 دسمبر2020ء) نیشنل اسٹیڈیم میں قائد اعظم ٹرافی فرسٹ الیون کے چھٹے رائونڈ کے میچ میں سندھ نے سنٹرل پنجاب کے خلاف 432 رنز کے ہدف کے تعاقب میں 4 وکٹوں پر 152 رنز بنالیے ہیں، سعد علی 24 اور شہزر محمد 26 رنز کے ساتھ چوتھے روز کھیل کا آغاز کریں گے ۔ شرجیل خان نے سندھ کی جانب سے 138 گیندوں پر 11 چوکوں اور 3 چھکوں کی مدد سے 89 رنز کی اننگز کھیلی اور وہ رن آئوٹ ہوئے ۔

اسد شفیق بغیر کوئی رن بنائے آٹ ہو گئے ۔سنٹرل پنجاب کی جانب سے وقاص مقصود، حسن علی اور قاسم اکرم نے ایک ایک وکٹ حاصل کی۔ اس سے قبل سنٹرل پنجاب کی ٹیم دوسری اننگز میں 247رنز پر آل آئوٹ ہو ئی تو اسے 431 رنز کی برتری حاصل ہو چکی تھی ۔ سنٹرل پنجاب نے تیسرے روز کے کھیل کا آغاز 96 رنز پانچ کھلاڑی آئوٹ سے کیا ۔

(جاری ہے)

سعد نسیم گزشتہ روز کے اسکور میں 7 رنز کا اضافہ کرنے کے بعد آئوٹ ہو گئے انہوں نے 21 رنز بنائے جبکہ علی شان 6 رنز پر آئوٹ ہو ئے ۔

سنٹرل پنجاب کی اننگز کی خاص بات احمد صفی کے ناٹ آئوٹ 83 رنز تھے انہوں نے 60 گیندوں پر 6 چوکوں اور 6 چھکوں کی مدد سے جارحانہ اننگز کھیلی ۔ سندھ کی جانب سے ابرار احمد نے 40 رنز دے کر 4 کھلاڑیوں کو آئوٹ کیا ۔ شاہنواز دھانی نے تین اور محمد عمر نے دو کھلاڑیوں کو آئوٹ کیا۔اسٹیٹ بنک اسٹیڈیم میں بلوچستان نے تیسرے روز کھیل کے اختتام پر 400 رنز کے ہدف کے تعاقب میں 6 وکٹوں کے نقصان پر 164 رنز بنالئے ہیں ۔

اس طرح خیبر پختونخواہ کی میچ پر گرفت مضبوط ہو چکی ہے اور اسے میچ جیتنے کے لیے 4 وکٹیں درکار ہیں ۔ایاز تصور 17 اور عمید آصف 8 رنز پر بیٹنگ کر رہے ہیں ۔ علی وقاص نے 44 اور اویس ضیا نے 43 رنز بنائے ہیں ۔ خیبر پختونخواہ کی جانب سے ساجد خان اور محمد وسیم نے دو دو وکٹیں حاصل کیں۔ اس سے قبل خیبر پختونخواہ کی ٹیم دوسری اننگز میں 199 رنز بنا کر آئوٹ ہو گئی اسے 399 رنز کی برتری حاصل ہو ئی ۔

خیبر پختونخواہ نے 98 رنز تین کھلاڑی آئوٹ پر تیسرے روز کھیل کی شروعات کی ۔ گزشتہ روز کی50 رنز پر ناٹ آئوٹ بیٹسمین اسرار اللہ کی اننگز کا خاتمہ 86 رنز پر ہوا انہوں نے 144 گیندوں کا سامنا کیا 8 چوکے اور دو چھکے لگائے ۔ عادل امین 32 رنز بنا کر آئوٹ ہوئے ۔یو بی ایل اسپورٹس کمپلیکس میں کھیلے جانیو الے میچ میں ناردرن کو سدرن پنجاب کے خلاف میچ جیتنے کیلئے 200رنز درکار ہیں، ناردرن کی ٹیم چوتھے روز اپنی دوسری اننگز کا آغاز کریگی ۔

میچ کے تیسرے روز سدرن پنجاب کی ٹیم دوسری اننگز میں 295 رنز بنا کر آئوٹ ہو گئی ۔ سلمان علی آغا نے 89 رنز کی شاندار اننگز کھیلی انہوں نے 121 گیندوں کا سامنا کیا انھوں نے 9 چوکے اور ایک چھکا لگایا ۔ عمران رفیق 61 رنز بنا کر نمایاں رہے جبکہ ضیا الحق 17 رنز کے ساتھ ناٹ آٹ رہے ۔ ناردرن کے کپتان نعمان علی ایک بار پھر عمدہ بولنگ کرنے میں کامیاب رہے انہوں نے 107 رنز دے کر 6 بیٹسمینوں کو پویلین بھیجا ۔ انہوں نے میچ میں 8 وکٹیں حاصل کیں۔ منیر ریاض ، حماد اعظم ، محمد نواز اور ناصر نواز نے ایک ایک وکٹ حاصل کی ۔