پانچویں کمشنر کراچی کپ گرلز اینڈ بوائز باسکٹ بال ٹورنامنٹ کا آغاز کل سے ہوگا

جمعرات 27 جنوری 2022 14:08

کراچی (اُردو پوائنٹ اخبارتازہ ترین - این این آئی۔ 27 جنوری2022ء) کراچی باسکٹ بال ایسوسی ایشن کے اشتراک سے عثمان باسکٹ بال کلب کے زیر اہتمام پانچواں کمشنر کراچی کپ گرلز اینڈ بوائز باسکٹ بال ٹورنامنٹ کا آغاز مورخہ کل 28جنوری 2022؁ء جمعہ سے انٹر نیشنل عبدالناصر باسکٹ بال کورٹ آرام باغ کراچی پر ہوگا ۔

(جاری ہے)

کراچی باسکٹ بال ایسوسی ایشن کے صدر غلام محمد خان کے اعلامیہ کے مطابق گرلز ٹورنامنٹ میں 12ٹیمیں حصہ لیں گی جو کہ 3X3کی بناید پر کھیلا جائیگا جبکہ بوائز ٹورنامنٹ فل کورٹ پر کھیلا جائیگا اور 12ٹیمیں شرکت کریں گی ۔

گرلز ایونٹ کا افتتاح شام 4:30(ساڑھے چار ) بجے کمشنر کراچی کی اہلیہ عائشہ اقبال میمن کریں گی جبکہ بوائز ایونٹ کا افتتاح شام ساڑھے سات بجے ڈپٹی کمشنر سائوتھ ارشاد علی سوڈھر کریں گے۔ٹورنامنٹ سیمی فائنلز 3فروری جبکہ فائنل 4فروری کو کھیلا جائیگا ۔اس موقع پر پاکستان باسکٹ بال کے سابق کپتان انٹر نیشنل بریگیڈئر رشید علی ملک کے نام سے منسوب ایوارڈ باسکٹ بال کھیل میں خدمات پر اُن کے صاحبزادے میجر (ر) عثمان علی ملک سی ای او2000سیکورٹی ایجنسی کی جانب سے دیئے جائینگے ۔