محمد علی جناح یونیورسٹی کے اگلے سیمسٹر کے لئے داخلہ ٹیسٹ پرسوں ہوگا

کراچی (اُردو پوائنٹ اخبارتازہ ترین - این این آئی۔ 23 اگست2019ء) محمد علی جناح یونیورسٹی کراچی (ماجو) کے اگلے ماہ سے شروع ہونے والے نئے سیمسٹر فال۔۹۱۰۲ میں داخلہ کے لئے درخواستیں دینے والے امیدواروں کا ٹیسٹ بروز اتوار، ۵۲ اگست کو صبح دس بجے یونیورسٹی کے مین کیمپس واقع شارع فیصل، کراچی نزد فائین ہاوس بس اسٹاپ منعقد ہوگا۔یونیورسٹی کے ایک ترجمان کے مطابق ہفتہ ۴۲ اگست کی شام تک درخواست جمع کرانے والے امیدوار ٹیسٹ میں شرکت کرسکتے ہیں۔

واضح رہے کہ نجی شعبہ میں بیس برس قبل قائم ہونے والی اس یونیورسٹی کا شمار اس ریجن مین تیزی کے ساتھ ابھر کر سامنے آنے والی ایک یونیورسٹی کے طور پر کیا جاتا ہے جس کو حال ہیں سندھ ہائیر ایجوکیشن کمیشن نے حکومت سندھ کی چارٹر انسپیکشن اینڈ ایولوشن کمیٹی کے توسط سے جنرل کیٹیگری میں درجہ اوّل کی یونیورسٹی قرار دیا تھا۔

(جاری ہے)

ترجمان کے مطابق ماجو میں میرٹ کی بنیاد پر ہونہار طلبہ اور ضرورت کی بنیاد ہر باصلاحیت طلبہ کواسکالرشپ فراہم کی جاتی ہیں۔

ترجمان کا کہنا ہے کہ ماجو کے ملائیشیاء،ترکی، آذر بائیجان اور ازبکستان کی ممتاز یونیورسٹییوں کے ساتھ تعلیم اور تحقیق کے شعبوں میں تعاون کے لئے مفاہمتی یادداشتوں پر دستخط کے نتیجہ میں طلبہ اور اساتذہ کے تبادلے کے پروگرام کے تحت ماجو میں داخلہ حاصل کرنے والے طلبہ یہاں پر ادا کی جانے والی فیس پر ان ممالک میں جاکر بھی تعلیم حاصل کرسکتے ہیں۔

واضح رہے کہ ماجو نے اپنے اگلے سیمسٹر سے الیکٹریکل اینڈ کمپیوٹر انجینئرنگ، بائیو سائینسز، کمپیوٹر سائینس،سافٹ وئیر انجینئرنگ، سائیکولوجی،مارکیٹنگ،اکاونٹس اینٖڈ فنانس،بائیو ٹیکنالوجی،پراجیکٹ مینجمنٹ،بائیوانفارمیٹکس اور مینجمٹ سائینسز کے بیچلرز اور ماسٹرز ڈگری پروگرام میں داخلے اعلان کئے تھے۔جبکہ ۴۱ سال میں گریجویشن کی ڈگری لینے والوں کے لئے دوسالہ ڈگری پروگرام بی بی اے ، بی ایس۔اکاونٹنگ اینڈ فنانس اور ماسٹر آف کمپیوٹر سائینس کے نئے پروگرام بھی شروع کئے ہیں