ڈی ایم سی کاکورنگی تیز ہوائوں میں ہنگامی اقدامات ،تیز ہوائوں سے گرنے والے درختوں کو بروقت اٹھا لیا گیا

ڈائریکٹر پارکس وقاص سومرو کا رات گئے تک ضلع کورنگی کے مختلف علاقوں کا دورہ اپنی نگرانی میں تیز ہوائوں سے گر درختوں کو شاہراہوں سے آُٹھوادیا

ہفتہ 22 جنوری 2022 16:10

کراچی (اُردو پوائنٹ اخبارتازہ ترین - این این آئی۔ 22 جنوری2022ء)ایڈمنسٹریٹر ڈی ایم سی کورنگی جاوید الرحمن کلہوڑ نے ہدایت کی ہے کہ تیز ہوائوں سے عوامی زندگیوں کو محفوظ بنا نے اور بروقت سہولیات کی فراہمی کے لئے ڈی ایم سی کورنگی میں میونسپل ایمرجنسی کا نفاذ ،ایڈمنسٹریٹر نے محکمہ ایڈورٹائزمنٹ کو ہدایت کی ہے کہ ضلع کورنگی کی حدود میں لگے تمام اشتہاری بورڈ کو فی الفوار اُتار لیا جائے،محکمہ پارکس اینڈ سروسز کو ضلع حدود میں تیز ہوائوں سے گرنے والے درختوں کو شاہراہوں اور گلیوں سے فوری ہٹا نے کی ہدایت۔

(جاری ہے)

ڈائریکٹر پارکس وقاص سومرو نے رات گئے تک ضلع کورنگی کے شاہ فیصل ،ملیر ماڈل ،لانڈھی اور کورنگی زونز کا تفصیلی دورہ کرکے تیز ہوائوں سے گرنے والے درختوں اور پودوں کو شاہراہوں سے بروقت ہٹانے کے انتظامات کا معائنہ کیا اور اپنی نگرانی میں مختلف شاہراہوں سے درختوں کو ہٹا یا ڈائریکٹر پارکس وقاص سومرو نے کہا کہ ایڈمنسٹریٹر ڈی ایم سی کورنگی جاوید الرحمن کلہوڑ کی ہدایت پر محکمہ پارکس اینڈ سروسز کے چاروں زونز کو فعال کردیا گیا اور تمام عملہ او رمشینریز کو آن روڈ رکھا گیا ہے انہوںنے کہاکہ گزشتہ روز تیز ہوائوں سے ضلع کورنگی کی حدود میں درجنوں گرنے والے درختوں کو بروقت شاہراہوں سے اُٹھا لیا گیا ۔

کراچی شہر میں شائع ہونے والی مزید خبریں:

Your Thoughts and Comments