آسٹریلوی ٹیم بہت اچھا کھیلی ، میچ ڈرا ہونے پر دکھ ہوا، سرفراز احمد

جمعرات 11 اکتوبر 2018 22:44

دبئی (اُردو پوائنٹ اخبارتازہ ترین - آن لائن۔ 11 اکتوبر2018ء) قومی کرکٹ ٹیم کے کپتان سرفراز احمد نے دبئی ٹیسٹ میچ بے نتیجہ ختم ہونے پر دکھ کا اظہار کرتے ہوئے کہا ہے کہ آسٹریلیا نے دوسری اننگز میں اچھی بیٹنگ کی۔میچ کے بعد گفتگو کرتے ہوئے سرفراز احمد نے کہا کہ آسٹریلوی ٹیم بہت اچھا کھیلی ، میچ ڈرا ہونے پر دکھ ہوا ہے۔

(جاری ہے)

انہوں نے کہا کہ پاکستان کی جانب سے اسد شفیق اور حارث سہیل نے شاندار بیٹنگ کی جبکہ محمد حفیظ اور امام الحق بھی بہت اچھا کھیلے۔

سرفراز احمد کا کہنا تھا کہ میچ پر پاکستان کی گرفت مضبوط تھی تاہم آسٹریلیا نے دوسری اننگز میں اچھی بیٹنگ کی جس کے باعث میچ ڈرا ہو گیا اور اس بر بہت دکھ ہوا ہے۔واضح رہے کہ دبئی ٹیسٹ میں پاکستان کی جیت کے امکانات واضح نظر آ رہے تھے مگر آسٹریلین بلے بازوں عثمان خواجہ نے پاکستانیوں کی امیدوں پر پانی پھیر دیا جس کے باعث شائقین کرکٹ قومی ٹیم بالخصوص کپتان کو ایک مرتبہ پھر تنقید کا نشانہ بنا رہے ہیں۔۔