ٹی ٹونٹی میچ میں ہیٹرک والدین کی دعائوں کا نتیجہ ہے، شاہین شاہ آفریدی

پیر 21 ستمبر 2020 21:02

لندن(اُردو پوائنٹ اخبارتازہ ترین - آن لائن۔ 21 ستمبر2020ء) قومی کرکٹ ٹیم کے نوجوان فاسٹ بئولر شاہین شاہ آفریدی نے ٹی ٹونٹی میچ میں ہیٹ ٹرک کرنے کے بعد جاری اپنے پیغام میں اس اعزاز کو والدین کی دعائوں کا نتیجہ قرار دیا ہے ۔شاہین شاہ آفریدی نے سوشل میڈیا سائٹ ٹوئٹر پر جاری اپنے پیغام میں اللّٰہ تبارک تعالیٰ کی تعریف بیان کی اور کہا کہ ہیٹ ٹرک والدین کی دعاو?ں کا نتیجہ ہے۔

(جاری ہے)

20 سالہ نوجوان کھلاڑی نے اپنے ٹوئٹ میں ہیمپشائر کائونٹی کرکٹ کلب کا مواقع فراہم کرنے اور غیر مشروط مدد کا شکریہ ادا کیا۔اپنے پیغام کے ا?خر میں انہوں نے دنیا بھر میں موجود اپنے مداحوں کا بھی تہہ دل سے شکریہ ادا کیا۔خیال رہے کہ گزشتہ روز شاہین شاہ ا?فریدی نے وائٹلٹی بلاسٹ میں ہمپشائر کی نمائندگی کرتے ہوئے لگاتار 4 اور مجموعی 6 وکٹیں حاصل کیں اور میچ کے بہترین کھلاڑی قرار پائے۔