ہمیشہ شاہد آفریدی کا مداح رہا، پریشر پسند کرتا ہوں: شاہین آفریدی

منگل 26 اکتوبر 2021 23:42

دبئی(اُردو پوائنٹ اخبارتازہ ترین - آن لائن۔ 26 اکتوبر2021ء) قومی کرکٹ ٹیم کے فاسٹ بولر شاہین آفریدی نے کہا ہے کہ میں ہمیشہ پریشر پسند کرتا ہوں کیوں کہ جب پریشر آتا ہے تو میں اچھا پرفارم کرتا ہوں۔شاہین آفریدی نے انٹرنیشنل کرکٹ بورڈ (آئی سی سی) کی ویب سائٹ کو انٹرویو دیتے ہوئے کہا کہ ورلڈکپ میں اپنے ملک کی نمائندگی کرنا فخر کی بات ہے، اپنی بہترین کرکٹ پیش کروں گا۔

انہوں نے کہا کہ پاکستان ٹیم سے قبل میں نے زیادہ ڈومیسٹک کرکٹ نہیں کھیلی تھی، مجھے بہت جلد پاکستان ٹیم میں شامل کیا گیا تھا۔

(جاری ہے)

فاسٹ بولر نے مزید کہا کہ شاہد آفریدی کا ہمیشہ مداح رہا اور ہمیشہ 10 نمبر کی جرسی کی خواہش تھی۔ انٹرویو کے دوران ساتھی کرکٹرز اور کوچز نے بھی شاہین ا?فریدی کو خراج تحسین پیش کیا۔ آل راونڈر عماد وسیم نے کہا کہ میں نیٹ پر شاہین شاہ ا?فریدی کا سامنا نہیں کرتا، یہ وسیم اکرم کے بعد پاکستان کا بہترین بولر ہے۔

محمد حفیظ کا کہنا تھا کہ شاہین اس کھیل کے افق پر ابھرتا ہوا ستارہ ہے۔پاکستان کرکٹ ٹیم کے بولنگ کنسلٹنٹ ورنن فیلنڈر نے کہا کہ شاہین شاہ ا?فریدی تیز گیند بھی اچھی کراتا ہے اور سلوور ون میں بھی خوب مہارت ہے، یہ اننگ کے ہر حصے میں اثر انداز ہونے والی بولنگ کرسکتا ہے۔