شعیب اختر کے منہ سے سچ سٴْن کر بہت اچھا لگا، شاہد آفریدی

سابق کپتان شاہد آفریدی سے بہت سے مسئلے ہیں جس کی ویڈیو شعیب اختر نے شیئر کی تھی

بدھ 17 نومبر 2021 21:32

شعیب اختر کے منہ سے سچ سٴْن کر بہت اچھا لگا، شاہد آفریدی

لاہور(اُردو پوائنٹ اخبارتازہ ترین - آن لائن۔ 17 نومبر2021ء) قومی کرکٹ ٹیم کے سابق کپتان شاہد آفریدی نے کہا ہے کہ اٴْنہیں شعیب اختر کے مسائل سٴْن کر بہت اچھا لگا۔میڈیارپورٹ کے مطابق پاکستان کرکٹ ٹیم کے سابق فاسٹ بولر شعیب اختر نے انکشاف کیا ہے کہ اٴْنہیں سابق کپتان شاہد آفریدی سے بہت سے مسئلے ہیں جس کی ویڈیو اٴْنہوں نے اپنے ٹوئٹر اکاؤنٹ پر شیئر کی۔

اب شاہد آفریدی نے شعیب اختر کی ویڈیو پر ردّعمل دیتے ہوئے سابق فاسٹ بولر کا شکریہ ادا کیا ہے۔شاہد آفریدی نے مزاحیہ انداز میں کہا کہ آپ کے منہ سے اتنا سارا سچ سٴْن کر بہت اچھا لگا۔

(جاری ہے)

سابق کپتان نے کہا کہ میرے دوست! آپ کو دیکھ کر بہت اچھا لگا۔اٴْنہوں نے کہا کہ آپ فٹ نظر آتے ہیں، اٴْمید ہے آپ کے گھٹنے آپ کا ساتھ دیتے رہیں گے۔واضح رہے کہ شعیب اختر نے مزاحیہ انداز میں کہا تھا کہ پہلا مسئلہ یہ ہے کہ شاہد آفریدی اٴْن سے زیادہ بہتر نظر آتے ہیں، دوسرا مسئلہ یہ ہے کہ شاہد آفریدی میں اٴْن سے زیادہ دور تک شاٹ مارنے کی صلاحیت ہے۔

انہوں نے کہا تھا کہ تیسرا مسئلہ یہ ہے کہ شاہد آفریدی کے پاس مجھ سے زیادہ شہرت ہے اور آخری مسئلہ یہ ہے کہ اٴْنہیں آفریدی کے بالوں سے بھی مسئلہ ہے کیونکہ شاہد آفریدی کے سر پر اٴْن سے زیادہ بال ہیں۔