قصور ،ْ کمسن بچیوں سے زیادتی کے بعد قتل کے واقعات کا سلسلہ تھم نہ سکا

بارہ معصوم بچیاں ہوس کا شکار بننے کے بعد موت کی آغوش میں چلی گئیں

بدھ 10 جنوری 2018 13:58

قصور ،ْ کمسن بچیوں سے زیادتی کے بعد قتل کے واقعات کا سلسلہ تھم نہ سکا

قصور (اُردو پوائنٹ اخبارتازہ ترین - این این آئی۔ 10 جنوری2018ء) قصور میں کمسن بچیوں سے زیادتی کے بعد قتل کے واقعات کا سلسلہ تھم نہ سکا،اب تک بارہ معصوم بچیاں ہوس کا شکارہونے کے بعد موت کی آغوش میں جاچکی ہیں ۔

(جاری ہے)

صوفی شاعرو بزرگ حضرت بابا بلھے شاہ کی سرزمین قصورجہاں کسی دور میں علم ونور کے چشمے پھوٹتے تھے ،ْگزشتہ کچھ عرصہ سے لڑکوں سے زیادتی کے واقعات اور اب کمسن بچیوں سے زیادتی اور قتل کے واقعات کی وجہ سے خوف کی علامت بن گیا ،ْچند ماہ کے دوران 12 کمسن بچیاں جنسی ہوس کا نشانہ بننے کے بعد ابدی نیند سلادی گئیں مگرافسوس کوئی قاتل سلاخوں سے پیچھے نہیں،جن کمسن بچیوں کومبینہ طور پرزیادتی کے بعد قتل کیا گیا ان میں ساڑھے چار سالہ ایمان فاطمہ،گیارہ سالہ فوزیہ،سات سالہ نور فاطمہ،ساڑھے پانچ سالہ عائشہ آصف،نوسالہ لائبہ،سات سالہ ثناعمر،پانچ سالہ کائنات بتول وغیرہ شامل ہیں۔

زیادتی اور قتل کے زیادہ واقعات تھانہ اے ڈویژن کی حدود میں پیش آئے جبکہ تھانہ صدر ایسے واقعات میں دوسرے نمبر پررہا زیادتی اور قتل کے واقعات میں ملزموں کا طریقہ واردات ایک جیسا ہے ملزم بچیوں کو اغوا کرتا ہے زیادتی کا نشانہ بنانے اور گلا دبا کر بچیوں کو قتل کرنے کے بعد لاش کو کسی ویران علاقے یا جوہڑ میں پھینک کر فرار ہوجاتا ہے۔