پولیس کی جرائم پیشہ افراد کیخلاف کارروائی، 25ملزمان گرفتار، مقدمات درج

جمعرات 16 نومبر 2017 21:29

قصور۔16 نومبر(اُردو پوائنٹ اخبارتازہ ترین - اے پی پی۔ 16 نومبر2017ء) آر پی اوشیخوپورہ ریجن کی خصوصی ہدایات اور ڈی پی اوقصور ذوالفقاراحمد کی زیر نگرانی پولیس نے ضلع بھر میں امن و امان کے قیام کو یقینی بنانے ،مشتبہ اورجرائم پیشہ افراد کی گرفتاری کے سلسلہ میںسپیشل مہم کا آغازکر رکھا ہے، اس سلسلہ میںقصور پولیس نے ضلع بھر کے 4مختلف مقامات دسہرہ گرائونڈ قصور،قصبہ راجہ جنگ،ظہیر آباد کالونی چونیاں اور حبیب آباد میںسرچ آپریشن کیے جس میں تھانہ جات ،ایلیٹ فورس اور محافظ فورس کی بھاری نفری نے حصہ لیا ، سر چ آپریشن کے دوران 52گھروں کو چیک اور71 افراد سے پوچھ گچھ کی گئی جبکہ متعدد مشکوک افراد کی بائیومیٹرک ویری فیکیشن بھی کی گئی،سر چ آپریشن کے دوران8خطرناک اشتہاریوں سمیت 25ملزمان کو گرفتار کیا گیا اور ان کے قبضہ سے بھاری مقدار میں منشیات ڈیڑھ کلو گرام چرس، ناجائز اسلحہ تین پسٹل اور دو پمپ ایکشن برآمدکیے گئے ہیں، اسی طرح کرایہ داری ایکٹ کی خلاف ورزی پر 8افراد کیخلاف مقدما ت ، سکیورٹی آرڈیننس کے تحت دو جبکہ لائوڈ سپیکر کی خلاف ورزی پر ایک مقدمہ درج کیا گیا ۔