چشم دیدہ گواہ نے تیزگام میں آگ لگنے کے واقع کی مکمل تفصیلات بتادیں

 حیدرآباد سے تبلیغی جماعت کے لوگ سوار ہوئے جنکی وہاں سے بکنگ تھی۔ ویڈیو میں موجود شخص نے بتایا ہے کہ اچانک بوگی میں دھواں پھیل گیا اور اس کے بعد اگلی بوگی میں اگ لگ گئی اور اس کے بعد انکی بوگی میں بھی آگ لگ گئی تاہم آگ باہر کی جانب تھی اند صرف دھواں تھا اور اس کے بعد بوگی کے اندر حدت برھنے لگی اور پھر گرمی ناقابلِ برداشت ہوگئی تو بہت سے افراد نے چلتی ٹرین سے چھلانگیں لگانا شروع کردیں۔

(جاری ہے)

اس شخص کے مطابق بہت سے افراد تیز رفتار ٹرین سے کودنے کی وجہ سے جاں بحق ہو گئے جبکہ کئی زکمی ہوئے۔ اس نے بتایا کے دو سے تین منت میں ٹرین کی رفتار کم ہو گئی تو وہ بھی دوسرے افراد کے ساتھ کود گیا۔ واضح رہے کہ 31اکتوبر کو تیز گام ٹرین میں خانپور کے قریب آگ لگ گئی تھی جس سے 75افراد جاں بحق جبکہ کئی زخمی ہوگئے تھے۔ ٹرین حادثے کی ابتدائی تحقیقاتی رپورٹ کے مطابق حادثے کی بنیادی وجہ گیس سلنڈر کے پھٹنے کو قرار دیا گیا ہے۔

۔ رپورٹ کے مطابق ٹرین میں حادثہ 2سلنڈروں کے پھٹنے کی وجہ سے پیش آیا جبکہ آگ لگنے کے بعد مسافروں نے آگ بجھانے والے آلات کا استعمال بھی نہیں کیا۔ تیز گام ٹرین کے گارڈ کی مدعیت میں سانحہ تیز گام کا مقدمہ نامعلوم ملزمان کے خلاف درج کرلیا گیا ہے۔ذرائع کے مطابق مقدمہ ٹرین گارڈ محمد سعید کی مدعیت میں درج کیا گیا، مقدمہ نمبر 46/19 کا اندراج تھانہ ریلوے پولیس خان پور ملتان ڈویژن میں کیا گیا ہے۔ مقدمہ کا اندراج زیر دفعہ 126 ریلوے ایکٹ اور 436, 427 تعزیزات پاکستان کے تحت درج کیا گیا ہے۔