پی پی 84 خوشاب ضمنی الیکشن، ن لیگی امیدوار فتح کی پوزیشن میں آگیا

خوشاب (اردوپوائنٹ اخبارتازہ ترین۔ 05 مئی2021ء) پی پی 84 خوشاب ضمنی الیکشن، ن لیگی امیدوار فتح کی پوزیشن میں آگیا۔ تفصیلات کے مطابق پنجاب کے صوبائی حلقہ خوشاب میں ہو رہے ضمنی الیکشن کے غیرحتمی اور غیرسرکاری نتائج موصول ہونے کا سلسلہ جاری ہے۔ اب تک 229 میں سے 200 پولنگ اسٹیشنز کے نتائج مرتب کیے جا چکے، جن کے مطابق ن لیگ کے امیدوار کو برتری حاصل ہے۔

بتایا ہے کہ 200 پولنگ اسٹیشنز کے غیر سرکاری غیر حتمی نتائج کے مطابق لیگی امیدوار معظم شیر 61 ہزار 550 ووٹ حاصل کر کے پہلے نمبر پر ہیں۔ جبکہ تحریک انصاف کے علی حسین بلوچ نے 50 ہزار 667 سے زائد ووٹ حاصل کیے ہیں۔ یوں بظاہر ن لیگ کے امیدوار فتح کی پوزیشن میں آ چکے۔ دوسری جانب معاون خصوصی اطلاعات پنجاب ڈاکٹر فردوس عاشق اعوان نے اپنے بیان میں کہا کہ پی ٹی آئی اور ن لیگ میں پی پی 84 خوشاب میں کانٹے کا مقابلہ ہے۔

(جاری ہے)

ابھی کچھ نہیں کہا جاسکتا، عوام کا حتمی فیصلہ ہمیں قبول ہوگا۔ ہمیں وزیراعظم کے ویژن کے مطابق عوام کی سوچ بدلنی ہے، ادارے مضبوط کرنے ہیں۔ مسلم لیگ ن اب تک کے ضمنی انتخابات میں اپنی ہی سیٹیں جیتی ہے۔ ڈی ایم جی اور سی ایس ایس کرنیوالے افسران خود کو حاکم اور عوام کو محکوم نہ سمجھیں۔ واضح رہے کہ ضمنی انتخاب کے لیے پولنگ کا عمل صبح 8 بجے شروع ہوا، اور شام بجے تک جاری رہا، الیکشن کی مانیٹرنگ کے لیے 10 ٹیمیں تشکیل دی گئیں، حلقے میں پی ٹی آئی کے علی حسنین خان ، ن لیگ کے ملک معظم کلو اور پیپلز پارٹی کے غلام حبیب احمد مدمقابل ہوئے، الیکشن میں 2 لاکھ 92 ہزار 687 ووٹرز کو اپنا حق رائے دیہی استعمال کرنے کی اجازت ملی، جن کیلئے 229 پولنگ اسٹیشن بنائے گئے۔

13 پولنگ کو انتہائی حساس جب کہ 43 کو حساس قرار دیا گیا ہے۔ حلقے میں مرد ووٹرز 1 لاکھ 55 ہزار 104 جب کہ خواتین ووٹرز 1 لاکھ 37 ہزار 583 ہیں۔ الیکشن کمیشن کا کہنا ہے کہ کے حلقے میں امن و امان قائم رکھنے کیلئے 540 رینجرز اور 2 ہزار 800 پولیس اہلکار تعینات کیے گئے جب کہ حساس پولنگ اسٹیشنوں کی مانیٹرنگ سی سی ٹی وی کیمروں سے کی گئی۔