خضدار میں منشیات فروشوں اور منشیات اڈوں کے خلاف خواتین کی ریلی

خضدار(اُردو پوائنٹ اخبارتازہ ترین - آن لائن۔ 12 ستمبر2020ء) خضدار میں منشیات فروشوں اور منشیات اڈوں کے خلاف خواتین کی ر یلی ،خضدار سمیت بلوچستان میں منشیات کے آخری اڈے ختم ہونے تک چین سے نہیں بیٹھیں گے منشیات کے کاروبار میں ملوث بڑے مگر مچھوں اور انکے سرپرستی کرنے والوں پر ہاتھ ڈالا جائیں نوجوانوں کو سوچھے سمجھے سازش کے تحت تعلیم سے دور رکھ کر منشیات کی جانب دھکیل رہے ہیں نسل نو کو منشیات جیسے لعنت سے بچانے اور انہیں تعلیم کی جانب راغب کرنے کے لئے میدان میں نکلیں ہیں تفصیلات کے مطابق بلوچستان غریب پرور پارٹی خواتین ونگ کے زیر اہتمام آزادی چوک خضدار سے ایک ریلی نکالی گئی ریلی کی قیادت ضلعی صدر بی جی پی پی رخسانہ بی بی کررہے تھے ریلی کے شرکا مختلف شاہراہوں سے ہوتے ہوئے خضدار پریس کلب پہنچے ریلی کے شرکا خضدار میں بڑھتی ہوئی منشیات اور اس کے تدارک کے لئے انتظامی سطح پر کوئی اقدام نہ اٹھانے کے خلاف خواتین شدید نعرے بازی اور منشیات کی روک تھام کے لئے اعلی حکام سے مطالبہ کررہے تھے ریلی سے بلوچستان غریب پرور پارٹی کے مرکزی سربراہ میر بھٹے خان بزنجو مرکزی جنرل سیکرٹری محمد انور ایڈووکیٹ ضلعی خواتین صدر بی جی پی پی رخسانہ بی بی ضلعی صدر محمد رفیق موسیانی غازی خان جتک و دیگر خواتین نے خطاب کرتے ہوئے کہا کہ خضدار سمیت پورے بلوچستان کے تقریبا ہرگلی و کوچہ میں منشیات کے مختلف اقسام جن میں چرس،ہیرون،افیون،شیشہ،تریاک،شراب،گھٹکا،رتن،جیم وغیرہ شامل ہیں باآسانی ریوڑی کی طرح دستیاب ہیں جسکا تیزی سے شکار ہمارے مستقبل کے معمار ہورہے ہیں پولیس و دیگر انتظامیہ منشیات فروشوں و ان کے اڈوں سے مبینہ طور پر باخبر ہونے کے باجود ان کے خلاف کارروائی کے بجائے نا معلوم وجوہات کی بناپر خاموش تماشاہی بنی بیٹھی ہیں خضدار میں منشیات کے اڈوں کو نہ صرف انتظامی بلکہ بااثر افراد کی تعاون حاصل ہیں اب ہم خواتین مجبور ہوکر نسل نو کو منشیات سے بچانے اور تعلیم کی طرف مائل کرنے کے لئے گھروں سے نکلے ہیں خضدار میں منشیات کے آخری اڈے ختم ہونے تک ہمارا احتجاج کا سلسلہ جاری رہے گا انہوں نے وزیر اعلی بلوچستان جام کمال خان،وزیر داخلہ بلوچستان میر ضیا لانگو،کمشنر قلات ڈویژن،ڈی آئی جی پولیس قلات رینج اور دیگر زمہ دار حکومتی حلقوں سے مطالبہ کیا ہے کہ خضدار میں منشیات کی لعنت کو روکھنے کے لئے اپنا کردار ادا کریں ۔