خیبر، تحریک انصاف قبائلی اضلاع کے صوبائی انتخابات میں کلین سویپ کرے گی، حاجی اورنگزیب آفریدی

ہفتہ 15 جون 2019 22:56

خیبر۔ (اُردو پوائنٹ اخبارتازہ ترین - اے پی پی۔ 15 جون2019ء) ممتاز سماجی ورکر اور پی ٹی آئی کے رہنماء حاجی اورنگزیب آفریدی نے کہا ہے کہ تحریک انصاف قبائلی اضلاع کے صوبائی انتخابات میں کلین سویپ کرے گی تحریک انصاف کے امیدواروں کی کامیابی قبائلی علاقوں کی ترقی کی ضمانت ہے ان خیالات کا اظہار انہوں نے گذشتہ روز میڈیا سے گفتگو کرتے ہوئے کیا انہوں نے کہا کہ عوام کی نظریں پی ٹی آئی کے امیدواروں پر لگی ہوئی ہیں اور وہ عمران کے ویژن کو کامیاب دیکھنا چاہتے ہیں۔

انہوں نے کہا کہ قبائلی علاقوں کے تمام اور خصوصاً پی کے 107سے حاجی زبیر آفریدی واضح اکثریت سے کامیابی حاصل کرکے مخالفین کو شکست دینگے ۔انہوں نے کہا کہ پی ٹی آئی نئے پاکستان کی بنیاد رکھ رہے ہیں اور ملک کو لوٹنے والوں کے خلاف کریک ڈائون کرکے انہیں سلاخوں کے پیچھے ڈال دیا انہوں نے کہا کہ بڑے بڑے مگر مچھوں پر ہاتھ ڈالنے کی پہلے کسی کو ہمت نہیں تھی وزیر اعظم نے وہ کام کر دکھایا جو پہلے حکمران صرف دعوے کرکے اپنی حکومت چلاتے تھے ۔

(جاری ہے)

انہوں نے کہا پی ٹی آئی کے گراف روز بروز اضافہ ہو رہا ہے اور عوام اس میں شامل ہو رہے ہیں ۔انہوں نے کہا انتخابات کے قریب آتے ہی مہم میں جس طرح تیزی آرہی ہے اسی جذبے کے تحت عوام میں بھی پی ٹی آئی کی مقبولیت میں اضافہ ہو رہاہے