کرم ایجنسی میں دہشت گردوں کا حملہ، ایف سی اہلکار شہید ،ْدوسرا زخمی

اتوار ستمبر 19:50

کرم ایجنسی (اُردو پوائنٹ اخبارتازہ ترین - این این آئی۔ 02 ستمبر2018ء) پاک افغان سرحد کے قریب واقع ضلع کرم ایجنسی میں سرحد پار سے دہشت گردوں کے حملے میں ایک ایف سی اہلکار شہید اور دوسرا زخمی ہوگیاہے۔

(جاری ہے)

مقامی انتظامیہ کے مطابق افغانستان کے صوبہ خوست سے لوئر کرم کے قریب سرحدی علاقے میں قائم خٹاکا پوسٹ پر دہشت گردوں نے خود کار ہتھیاروں سے حملہ کیاجس میں ایف سی کے لانس نائیک رحمن اللہ شہید اور دوسرا اہلکار زخمی ہوگیا۔

زخمی اہلکار کو طبی امداد دینے کیلئے فوری طور پر قریبی ہسپتال پہنچا دیا گیا ،ْ علاقے میں موجود دیگر اہلکاروں نے جوابی کارروائی کرتے ہوئے حملہ آوروں کو پسپا کر دیا۔واضح رہے کہ پاک فوج کی جانب سے گزشتہ برس ملک بھر میں دہشت گردوں کے خلاف آپریشن ردالفساد کا آغاز کیا تھا جس کا مقصد ملک کو اسلحے سے پاک کرنا ، دہشت گردی کا بلاامتیاز خاتمہ اور سرحدی سلامتی کو یقینی بنانا ہے ۔

کرم ایجنسی شہر میں شائع ہونے والی مزید خبریں:

Your Thoughts and Comments