اپر کرم میں پاگل کتوں نے حملہ کرکے 18 افراد کو کاٹ لیا،

4 شدید زخمی پشاور منتقل ڈسٹرکٹ ہیڈ کوارٹر اسپتال پارا چنار میں کتے کے کاٹے کی ویکسین نہ ہونے کی وجہ سے متاثرہ افراد کو شدید مشکلات کا سامنا کرنا پڑا

منگل 25 ستمبر 2018 13:56

کرم ایجنسی(اُردو پوائنٹ اخبارتازہ ترین - این این آئی۔ 25 ستمبر2018ء) خیبرپختونخوا کے ضلع کرم ایجنسی میں افغان سرحد کے قریب گاؤں پیواڑ میں پاگل کتوں نے 18 افراد کو کاٹ لیا، جن میں سے چار شدید زخمیوں کو پشاور منتقل کردیا گیا۔ہسپتال ذرائع اور مقامی انتظامیہ کے مطابق 4 پاگل کتوں کا ایک غول اپر کرم کے علاقہ پیواڑ کے رہائشی افراد پر اچانک حملہ آور ہو گیا۔

(جاری ہے)

پاگل کتوں نے ایک خاتون سمیت 14 افراد کو کاٹ کر زخمی کردیا ،ْزخمیوں میں زیادہ تر بچے شامل ہیں ،ْزخمی ہونے والے بچوں نے بتایا کہ انہوں نے چار کتوں کو گاؤں کی طرف آتے دیکھا، جنہوں نے دیکھتے ہی دیکھتے اٴْن پر حملہ کرکے زخمی کردیا۔ بعد ازاں مقامی نوجوانوں نے فائرنگ کرکے چاروں کتوں کو ہلاک کردیا۔زخمیوں کو ڈسٹرکٹ ہیڈ کوارٹر ہسپتال پارا چنار منتقل کیا گیا تاہم کتے کے کاٹے کی ویکسین نہ ہونے کی وجہ سے متاثرہ افراد کو شدید مشکلات کا سامنا کرنا پڑا ،ْبعدازاں چار شدید زخمیوں کو علاج کے لیے پشاور منتقل کردیا گیا۔ڈی ایچ کیو ہسپتال کے ڈاکٹر محب اللہ جان کا کہنا تھا کہ کتوں نے زیادہ تر افراد کو ہاتھوں اور چہروں پر کاٹا ہے۔