پنجاب حکومت کا سپیشل ٹیکنالوجی زونز متعارف کرانے کا فیصلہ خوش آئند ہے‘نصراللہ مغل

سپیشل اکنامک زونز کے بعد سپیشل ٹیکنالوجی زونز کے قیام سے معاشی سرگرمیوں میں اضافہ ہوگا

پیر 6 دسمبر 2021 14:13

لاہور(اُردو پوائنٹ اخبارتازہ ترین - این این آئی۔ 06 دسمبر2021ء) ایگزیکٹو ممبرلاہور چیمبرز آف کامرس و انڈسٹریز نصراللہ مغل نے کہا ہے کہ سپیشل اکنامک زونز کے بعد سپیشل ٹیکنالوجی زونز کا قیام معاشی سرگرمیوں میں اضافے کا سبب بنے گا، سمگ کی روک تھام اور دھوئیں میں کمی کیلئے ٹرانسپورٹ، صنعت اور زراعت کی جدید ٹیکنالوجی پر منتقلی کے لیے رسائی کو آسان بنانا ہی مسئلے کا واحد حل ہے،پنجاب حکومت کی طرف سے گرین فنانسنگ کے ذریعے سرمایہ کاروں اور عوام کی ماحول دوست ٹیکنالوجی تک رسائی کو آسان بنائے گی۔

ان خیالات کا اظہار انہوں نے ٹان شپ کے صنعتکاروں کے وفد سے گفتگو کرتے ہوئے کیا۔انہوں نے کہا کہ حکومت کی طرف سے سموگ کے باعث انڈسٹریزکے خلاف کارروائیاں تشویشناک ہے جبکہ سموگ کا سبب انڈسٹریز نہیں بلکہ اس میں سب سے زیادہ حصہ دھواں دینے والی گاڑیاں ہیں جس کے بعد سموگ میں اضافہ ہورہا ہے اس لیے سموگ کے خاتمہ کیلئے حکومت دھواں دینے والی گاڑیوں کی طرف اپنی توجہ مرکوز کرے اور انڈسٹریز کے خلاف کاروائیوں کی روک تھام کی جائے۔

(جاری ہے)

نصر اللہ مغل نے سپیشل اکنامک زونز کے بعد سپیشل ٹیکنالوجی زونز کے قیام سے معاشی سرگرمیوں میں اضافہ ہوگا پنجاب بھر میں قائم اسپیشل اکنامک زونز اور سپیشل ٹیکنالوجی زونز سے صنعتی انقلاب آئے گا۔ٹیکنالوجی زونز کے قیام کے لیے نالج پارکس اور جامعات کا انتخابا ت سود مند ثابت ہوگا،صنعتی شعبہ کو نئی ٹیکنالوجی میسر آئے گی، سپیشل اکنامک زونز میں بنیادی سہولتوں کے ساتھ انٹرنیشنل سٹینڈرز کے انفراسٹرکچر سے نئی صنعتوں کا قیام عمل میں آئے گا اور غیر ملکی سرمایہ کاروں کو ان سپیشل زونز میں سرمایہ کاری کی حوصلہ افزائی ہوگی جس سے خوشحال پنجاب کا خواب شرمندہ تعبیر ہوگا۔

متعلقہ عنوان :

لاہور شہر میں شائع ہونے والی مزید خبریں:

Your Thoughts and Comments