پنجاب یونیورسٹی کالج آف آرٹ اینڈ ڈیزائن میں سیمینار کا انعقاد

بدھ 22 ستمبر 2021 19:03

لاہور (اُردو پوائنٹ اخبارتازہ ترین - این این آئی۔ 22 ستمبر2021ء) پنجاب یونیورسٹی کالج آف آرٹ اینڈ ڈیزائن کے شعبہ پوسٹ گرایجوئیٹ ریسرچ سنٹر آف کریئٹیو آرٹس کے زیر اہتمام نیشنل لیب آف ریموٹ کلائیمیٹک ریسرچ پنجاب یونیورسٹی کے اشتراک سے’ آرٹ اینڈ سائنس‘ کے موضو ع پر سیمینار کا انعقاد کیا گیا ۔اس موقع پر ڈائریکٹر پوسٹ گریجوئیٹ ریسرچ سنٹر آف کریئیٹو آرٹس پروفیسر ڈاکٹر احمد بلال ، پرنسپل انویسٹیگیٹر آف لیب ضیاء الحق ، خالد محمود ، ایم فل /پی ایچ ڈی سکالرزودیگر نے شرکت کی۔

اپنے خطاب میں ڈاکٹر احمد بلال مختلف شعبوں کے مابین روابط کی اہمیت کو اجاگر کرتے ہوئے کہا کہ کسی بھی تحقیق کا مقصد نئے علوم کی تخلیق ہے۔ انہوں نے سائنس اور ٹیکنالوجی کے درمیان تعلق کے مختلف پہلوئو ں پر روشنی ڈالی۔

(جاری ہے)

انہوں نے کہا کہ عصر حاضر میں ٹیکنالوجی نے آرٹ کو نئی جہتیں دی ہیں۔ انہوں نے کہا آرٹ ، ٹیکنالوجی اور سائنس کائنات کے رازوں سے پردہ ہٹانے کیلئے کوشاں ہے۔

ضیاء الحق نے کہا کہ آرٹ اور سائنس کے درمیان گہرا تعلق ہے ۔ انہوں نے ریسرچ کے مختلف پہلوئو ں پر بات چیت کی۔ خالد محمود نے کہا کہ ان کا ریسرچ پیپر پینٹنگ کی طرح دیوار پر نظر آئے یا فلم کی طرح سکرین پر چلے جس کے لئے اس کی آرٹ کی شکل میں منتقلی ضروری ہے۔ پوسٹ گریجوئیٹ ریسرچ سٹوڈنٹس کے لئے منعقدہ سیمینارکا مقصد تخلیقی صلاحیتوں کو فروغ دینے کے لئے رہنمائی فراہم کرنا ہے ۔ اس سلسلے میں شرکاء نے یونیورسٹی میں تحقیقی کلچر کو پروان چڑھانے پر وائس چانسلر کا شکریہ بھی ادا کیا۔