عمران خان کے ساتھیوں پر اے ٹی ایمز کا الزام لگانے والے نواز شریف کی اے ٹی ایمز بھی منظر عام پر آ گئیں

سید فاخر عباس پیر 19 مارچ 2018 21:19

لاہور (اردوپوائنٹ تازہ ترین اخبار- 19مارچ2018ء) :عمران خان کے ساتھیوں پر اے ٹی ایمز کا الزام لگانے والے نواز شریف کی اے ٹی ایمز بھی منظر عام پر آ گئیں،معروف اینکر نے بھانڈا پھوڑ دیا۔تفصیلات کے مطابق پاکستانی سیاست میں اے ٹی ایمز کی اصطلاح بلاول بھٹو نے اس وقت متعارف کروائی جب سپریم کورٹ کی جانب سے پاکستان تحریک انصاف کے رہنما جہانگیر ترین کو نااہل قرار دیا گیا تھا۔

(جاری ہے)

اس کے بعد پاکستانی سیاست میں اے ٹی ایمز کی اصطلاح کے خاصے چرچے رہے اور پاکستان مسلم لیگ ن علیم خان کو عمران خان کا دوسرا اے ٹی ایم قرار دے کر معاملے کو خوب اچھالا۔عمران خان کے ساتھیوں پر اے ٹی ایمز کا الزام لگانے والے نواز شریف کی اے ٹی ایمز بھی منظر عام پر آ گئیں،معروف اینکر آفتاب اقبال نے بھانڈا پھوڑ دیا۔انکا کہنا تھا کہ نواز شریف کے لیے مبینہ طور پر انجنئیر امیر مقام اور انجم عقیل عباسی اے ٹی ایم کا روپ دھارے ہوئے ہیں اور پانی کی طرح پیسہ بہا رہے ہیں۔