سابق صدر مشرف نے عمران خان کو اتحاد بنانے کی دعوت دے ڈالی

عمران خان ممکنہ طور پر اگلے وزیر اعظم ہوں گے جبکہ سابق صدر انکے ماتحت کام کرنے کو تیار ہیں،سابق صدر کے قریبی ساتھی کا اعلان

سید فاخر عباس جمعہ 20 اپریل 2018 19:22

لاہور (اردوپوائنٹ تازہ ترین اخبار-20اپریل 2018ء ) :سابق صدر مشرف نے عمران خان کو اتحاد بنانے کی دعوت دے ڈالی۔سابق صدر کے قریبی ساتھی اور آل پاکستان مسلم لیگ کے سیکرٹری جنرل امجد چوہدری نے پریس کانفرنس کرتے ہوئے کہا کہ عمران خان ممکنہ طور پر اگلے وزیر اعظم ہوں گے جبکہ سابق صدر انکے ماتحت کام کرنے کو تیار ہیں۔تفصیلات کے مطابق الیکشن قریب سے قریب تر آتے جارہے ہیں اس موقع پر سیاسی جوڑ توڑ اپنے عروج پر ہے۔

(جاری ہے)

ایسے میں سابق صدر مشرف نے عمران خان کو اتحاد بنانے کی دعوت دے ڈالی۔سابق صدر کے قریبی ساتھی اور آل پاکستان مسلم لیگ کے سیکرٹری جنرل امجد چوہدری نے پریس کانفرنس کرتے ہوئے کہا کہ پرویز مشرف نے عمران خان کو اتحاد بنانے کی دعوت دی ہے ۔مشرف کا ماننا ہے کہ عمران خان ممکنہ طور پر اگلے وزیر اعظم ہوں گے اور مشرف انکے ماتحت اور مشیر کے طور پر کام کرنے کو تیار ہیں۔امجد چوہدری نے مزید بتایا کہ ابھی تک عمران خان نے مشرف کی آ فر کا جواب نہیں دیا۔