25جولائی کو ملک میں عام انتخابات کا انعقاد یقینی بنا کر نگران حکومت اپنی ذمہ داری پوری کرے گی‘سید علی ظفر
گائیڈ لائن کی حد تک نئی حکومت کیلئے کچھ ایسی چیزیں چھوڑ کر جائیں گے جس پرعمل کرنا حکومت کے اختیار میں ہو‘ نگران حکومت نے پیمرا کو آئین و قانون کے مطابق آزاد کر دیا، میڈیا کو اگر پیمرا سے کوئی بھی شکایت ہے تو عدالت سے رجوع کیا جا سکتا ہے‘نگران وفاقی وزیراطلاعات کا تقریب سے خطاب
اتوار 22 جولائی 2018 21:50
(جاری ہے)
سید علی ظفر نے کہا کہ سی پیک آنے والی حکومت کے لئے بہت بڑا سنہری موقع ہے اس سے بھرپور استفادہ حاصل کر کے پاکستان کو چیلنجز سے نکال کر ترقی کی راہ پر گامزن کیاجا سکتا ہے ،ْ انہوں نے نیب کے کردار کے حوالے سے کہا کہ نیب کے قانون میں خامیاں موجود ہیں جن کو دور کر کے اس کو مضبوط اور بہتر بنایا جا سکتا ہے ،ْ وفاقی وزیر نے کہا کہ عام انتخابات میں حصہ لینے والے تمام امیدواروں کو خراج تحسین پیش کرتے ہیں کہ وہ گھر گھر جا کر انتخابی مہم میں حصہ لے رہے ہیں کیونکہ یہ ایک جمہوری عمل ہے جس کو فروغ دے کر ملک میں جمہوریت پروان چڑھے گی اور ان عام انتخابات کے بعد کامیاب ہونیوالے امیدواروں پر بڑی ذمہ داری عائد ہو گی کہ وہ انتخابی مہم کے دوران عوام سے کئے گئے وعدوں کو پایہ تکمیل تک پہچائیں۔
انہوں نے کہا کہ آج پیر کو انتخابی مہم اختتام پذیرہو جائے گی جس کے بعد ووٹرکا فیصلہ ہوگا کہ وہ اپنے حقیقی نمائندوں کا انتخاب کریں۔نگران وفاقی وزیر نے کہا کہ عام انتخابات کے بعد جو بھی سیاسی جماعت برسراقتدار آئے گی اس سے نگران حکومت کو کوئی فرق نہیں پڑتا کیونکہ ہمارے فرائض ملک میں صاف و شفاف انتخابات کا انعقاد ہے نہ کہ کسی بھی سیاسی جماعت کو سپورٹ کرنا ہے ،ْ انہوں نے کہا کہ ہم نے بھرپور کوشش کی ہے کہ الیکشن کمیشن کے ساتھ اپنا کردار نیوٹرل رکھیں تا کہ عام انتخابات کے بعد کوئی بھی نگران حکومت اور الیکشن کمیشن پر انگلی نہ اٹھا سکے ،ْ انہوں نے کہا کہ الیکشن کمیشن کا انتخاب آئین کے تحت ہوا ہے اور اب الیکشن کا کوڈ آف کنڈیکٹ بنانا رزلٹ شائع کرنا سمیت تمام انتخابی امور الیکشن کمیشن کی ذمہ داری ہے ،ْانہوں نے کہا کہ 2013ء کے عام انتخابات میں الیکشن نتائج پر 55 اعتراضات اٹھائے گئے تھے جن کو پارلیمنٹ نے 3سال کے عرصہ میں درست کیا ،ْانہوں نے کہا کہ موجودہ الیکشن کمیشن پوری دنیا میں سب سے مضبوط اور طاقتور ہے ،ْ چیف الیکشن کمشنر جو کہ ایک ریٹائرڈ جج ہیں اور ان کا انتخاب ایک جمہوری طریقے سے کیاگیا ہے ،ْ نگران وفاقی وزیر نے کہا کہ عام انتخابات کے صاف و شفاف انعقاد کے ساتھ ساتھ روز مرہ کے حکومتی معاملات چلانا بھی نگران حکومت کی ذمہ داری ہے اور ان امور کی انجام دہی کے لئے وزیراعظم سمیت پوری کابینہ اپنا بھرپور اور موثر کردار ادا کر رہی ہے ،ْ انہوں نے کہا کہ ہم آئین و قانون کے مطابق ایسے فیصلے نہیں کر سکتے جس سے آنے والی نئی حکومت کے لئے مشکلات پیدا ہوں اور نگران حکومت ایسے فیصلے کر رہی ہے جن کو کرنا موجودہ حالات میں بہت ضروری ہے ،ْ انہوں نے کہا کہ گائیڈ لائن کی حد تک نئی حکومت کے لئے کچھ ایسی چیزیں چھوڑ کر جائیں گے جس کو اختیار کرنا حکومت کے اختیار میں ہو ،ْ وفاقی وزیر نے کہا کہ ایک سوال اٹھایا گیا ہے کہ الیکشن کمیشن نے افواج پاکستان کو عام انتخابات کے موقع پر کیوں بلایا ہے،الیکشن کمیشن نے اس لئے فوج سے معاونت طلب کی کہ بہت سی ریاست مخالف عناصر ہیں جو پاکستان میں عام انتخابات میں تاخیر چا ہتے ہیں، ہمیں الیکشن کمیشن کو داد دینی چاہیے کہ انہوں نے افواج پاکستان کو بلوا کر پاکستان کو جمہوریت کی راہ پر گامزن کرنے کا تہیہ کیا ہوا ہے کیونکہ ہزاروں پولنگ اسٹیشنز سمیت پاکستان میں ووٹرز کی اتنی بڑی تعداد کو کنٹرول کرنا اور امیدواروں کی سیکورٹی کے معاملات بہت بڑا مسئلہ تھا ،ْ جس کو افواج پاکستان کی مدد کے بغیر پایہ تکمیل تک پہنچانا مشکل مرحلہ تھا ،ْ سابق وزیراعظم محمد نواز شریف کے کیسسز کے متعلق نگران وفاقی وزیر نے کہا کہ نواز شریف کا جیل میں ٹرائل کرنے کے لئے نیب نے درخواست کی تھی کہ عدالت کو ایک دن کے لئے جیل منتقل کر دیا جائے جبکہ آئین کے آرٹیکل-A 10 کے مطابق فیئر ٹرائل ہونا چاہیے ،ْجس پر سابق وزیراعظم نواز شریف کا معاملہ کابینہ میں لے جایا گیا اور کابینہ نے منظوری دی کہ آرٹیکل 10-Aکے تحت ان کا اوپن ٹرائل ہونا چاہیے ،ْانہوں نے کہا کہ آنے والی حکومت کے لئے بڑے چیلنجز میں سے دہشتگردی ایک بڑا چیلنج ہے جس کے خلاف جنگ جاری ہے ۔متعلقہ عنوان :
لاہور میں شائع ہونے والی مزید خبریں
ہم نئی جماعت نہیں لا رہے،بس ملک کو ایک نئی سوچ کی ضرورت ہے
اگر انتخابی نظام اور نئے الیکشن کی بات ہوتی ہے توسب بات کریں گے
Bٹرین پٹڑی سے اتر گئی، 2مسافر زخمی
ف*کامیاب درخواست گزار کے حج پر نہ جانے پر اخراجات سے 2 لاکھ روپے کٹوتی کا فیصلہ
غ*لیسکو کا تمام سرکلز میں اربوں روپے کی اووربلنگ کے خلاف تحقیقات کرنے کا فیصلہ
_لاہور: نہر سے نامعلوم شخص کی تشدد زدہ نعش برآمد
پولیس نے 13 سالہ ذہنی معذور بچی کو بازیاب کروا لیا
جسٹس(ر)ڈاکٹر منیر احمد مغل علمی و دینی اور عدالتی حلقوں میں مستند حیثیت کی حامل شخصیت تھے، مقررین
ایکسپو سنٹر لاہور میں ایگری کوالیشن2024ء نمائش کا انعقاد، زراعت کی ترقی کیلئے جدید ٹیکنالوجی پر تبادلہ ..
یکم مئی کو منعقد ہونے والی قومی فلسطین کانفرنس امت مسلمہ کی ترجمانی کرے گی، ڈاکٹر عبدالغفور راشد
صوبائی وزیر معدنیات سردار شیر علی خان گورچانی کی زیر صدارت اہم اجلاس،ترقیاتی کاموں کا جائزہ لیا گیا
صوبائی وزیر صحت خواجہ سلمان رفیق کا وزیر تعمیرات و مواصلات کے ہمراہ ڈی ایچ کیو ہسپتال گجرات کا دورہ
لاہور سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری