ْآمدن سے زائد اثاثوں کے کیس میں عبدالعلیم خان کو ایک بار پھر 10اگست کو طلبی کا نوٹس جاری

نیب حکام عبدالعلیم خان کی جانب سے فراہم کیے گئے ریکارڈ سے مطمئن نہ ہوئے ، چوہدری برادران بھی 16اگست کو طلب

منگل 7 اگست 2018 19:37

ْآمدن سے زائد اثاثوں کے کیس میں عبدالعلیم خان کو ایک بار پھر 10اگست کو طلبی کا نوٹس جاری
لاہور (اُردو پوائنٹ اخبارتازہ ترین - این این آئی۔ 07 اگست2018ء) قومی احتساب بیورو ( نیب ) نے آمدن سے زائد اثاثوں کے کیس میں پاکستان تحریکِ انصاف کے رہنما عبدالعلیم خان کو ایک بار پھر 10اگست کو طلبی کا نوٹس جاری کر دیا جبکہ مسلم لیگ (ق) کے صدر چوہدری شجاعت حسین اور چوہدری پرویز الٰہی کو بھی 16اگست کو طلب کر لیا گیا ۔ذرائع کے مطابق نیب لاہور کی جانب سے مختلف رہنمائوں کی طلبی کا سلسلہ جاری ہے۔

نیب لاہور نے تحریکِ انصاف کے رہنما عبدالعلیم خان کو 10 اگست کو دوپہر تین بجے طلب کیا ہے۔

(جاری ہے)

اس سے قبل انہیں 8 اگست کو طلب کیا گیا تھا لیکن عبدالعلیم خان مقررہ تاریخ سے پہلے ہی پیش ہو کر مانگا گیا ریکارڈ دے گئے تھے لیکن ذرائع کے مطابق نیب حکام اس سے مطمئن نہیں ہیں۔عبدالعلیم خان کے خلاف آمدن سے زائد اثاثے اور آف شور کمپنی کی تحقیقات کی جا رہی ہیں۔ ذرائع کے مطابق عبدالعلیم خان پر الزامات کی سنجیدہ نوعیت کے پیش نظر 10 اگست کو دوبارہ طلب کیا گیا ہے۔ادھر نیب لاہور نے چودھری برادران کے اثاثہ جات کی تحقیقات بھی شروع کر رکھی ہیں جس پر چودھری شجاعت حسین اور چودھری پرویز الٰہی کو ذاتی حیثیت میں 16 اگست کو طلب کر رکھا ہے۔

لاہور میں شائع ہونے والی مزید خبریں