بزنس کمیونٹی کو عید الاضحی کی خوشیاں مبارک ہوں: پیاف

منگل 21 اگست 2018 18:10

لاہور (اُردو پوائنٹ اخبارتازہ ترین - آن لائن۔ 21 اگست2018ء) پاکستان انڈسٹریل اینڈ ٹریڈرز ایسوسی ایشنز فرنٹ (پیاف) کے چیئرمین عرفان اقبال شیخ سیئنر وائس چیئرمین تنویر احمد صوفی اور وائس چیئرمین خواجہ شاہزیب اکرم نے بزنس کمیونٹی کو عید لالضحیٰ کی مبارک دیتے ہوئے کہا ہے کہ غربا اور مساکین کو اپنے ساتھ عید کی خوشیوں میں شامل کر کے عید قربانی کا مقصد حاصل کیا جا سکتا ہے۔

(جاری ہے)

عیدالاضحی ایثار اور قربانی کے درس کا نام ہے جس سے مسلمانوں کی نہ صرف معاشرتی ومعاشی اقدار وابستہ ہیں بلکہ دینی تقاضا بھی ہے کہ ہم عید قربان کے فلسفہ کو سمجھیں اور اس پر عمل پیرا ہو کر اسلام پسندی کا ثبوت دیں۔ اللہ تعالیٰ کو ہمارا گوشت نہیں چاہیے بلکہ نیت کا صاف ہونا ضروری ہے۔چیئرمین پیاف عرفان اقبال شیخ نے کہا کہ عید کے روز ملکی سلامتی اور معاشی استحکام کے لئے خصوصی دعا کی جائے اور مستحق افراد کو اپنی خوشیوں میں شریک کیا جائے۔ ضلعی انتظامیہ عید الاضحی کے موقع پر سکیورٹی کے مناسب انتظامات کرے تاکہ کوئی خوشگوار واقعہ رونما نہ ہو سکے ۔