دعا کریں پی ٹی آئی، ق لیگ کے اتحاد کو نظر نہ لگے، پرویز الٰہی

لاہور(اُردو پوائنٹ اخبارتازہ ترین - آن لائن۔ 25 اپریل2019ء) اسپیکر پنجاب اسمبلی چودھری پرویز الٰہی نے کہا ہے کہ دعا کریں پی ٹی آئی اور ق لیگ کے اتحاد کو نظر نہ لگے، ق لیگ اور پی ٹی آئی میں کوئی اختلاف نہیں ہے، وزیراعلیٰ پنجاب کے ساتھ کھڑے تھے اور کھڑے ہیں۔ میڈیا رپورٹس کے مطابق وزیراعلیٰ پنجاب سردار عثمان بزدار اور اسپیکر پنجاب اسمبلی چودھری پرویز الٰہی کے درمیان ملاقات ہوئی ہے، ملاقات میں حکومتی و انتظامی امور اور سیاسی صورتحال پر بات چیت کی گئی۔

بتایا گیا ہے کہ وزیراعلیٰ پنجاب سردار عثمان بزدار اور اسپیکر چودھری پرویز الٰہی کے درمیان ایوان کی نئی بلڈنگ کے حوالے سے میٹنگ ہوئی ہے۔ پرویز الٰہی نے کہا کہ فیصلہ ہوا ہے کہ رواں سال پنجاب اسمبلی کا اجلاس نئی عمارت میں ہو گا۔

(جاری ہے)

ارکان اسمبلی کیلئے ہاسٹلز رواں سال مکمل کرلیں گے۔ چودھری پرویزالہٰی نے کہا کہ ق لیگ اور پی ٹی آئی میں کوئی اختلاف نہیں ہے۔

دعا کریں پی ٹی آئی اور ق لیگ کے اتحاد کو نظر نہ لگے۔ انہوں نے ایک بار پھر واضح الفاظ میں کہا کہ وزیر اعلیٰ عثمان بزدار کے ساتھ پہلے دن سے کھڑے تھے اور کھڑے رہیں گے۔ گزشتہ روز بھی اسپیکر پنجاب اسمبلی پرویزالہی نے لاہور میں میڈیا سے گفتگو کرتے ہوئے واضح کیا تھا کہ کسی وزیرکولانا یا کابینہ میں ردوبدل وزیراعظم کا استحقاق ہوتا ہے۔انہوں نے کہا کہ ہماری جوبھی ملاقاتیں ہوتی ہیں وہ وزیراعلی پنجاب کی مضبوطی کے لیے ہے، چوہدری شجاعت کا بھی بیان ا?چکا ہے کہ ہم عثمان بزدارکے ساتھ کھڑے ہیں۔

پرویزالہی نے کہا ہے کہ جمہوریت کا حسن ہے، پارٹی کے اندربھی اختلافات ہوجاتے ہیں، مسلم لیگ ن سے کوئی رابطہ نہیں اورنہ ہی تعلق ہے۔انہوں نے کہا کہ مونس الہی کوملاقات کی ضرورت نہیں ہے، کسی سے معافی یا ملاقات کی ہمیں کوئی ضرورت نہیں ہے۔اسپیکر پنجاب اسمبلی نے کہا کہ پی ٹی ا?ئی کے ساتھ مسلم لیگ ق کا کوئی اختلاف نہیں ہے، طارق بشیرچیمہ نے بہاولپورصوبے کا ذکرکیا، ٹھیک کیا، صوبے بنے توبنتے چلے جائیں گے، پہلے طے کرلیں کتنیصوبے بنانے ہیں۔یاد رہے کہ گزشتہ ہفتے اسپیکر پنجاب اسمبلی چوہدری پرویز الہی کا کہنا تھا کہ عمران خان اور وزیراعلی پنجاب کے ساتھ شانہ بشانہ کھڑے ہیں.