نہ قطار نہ انتظار، وزیراعلیٰ نے ملازمین کیلئے پنشن کے نئے نظام کا افتتاح کردیا، نئے نظام کے تحت پنشنروں کو ادائیگی ان کے بینک اکاؤنٹ کے ذریعے ہوگی، دائرہ کار پورے صوبے تک وسیع کیا جائے گا،بینک اکاؤنٹ کے ذریعے ادائیگی ہونے سے پنشنرز کو تکلیف دہ مراحل سے نجات ملے گی، دفتری کارروائی بھی مختصر کردی گئی،وزیراعلیٰ محمد شہباز شریف کاافتتاحی تقریب سے خطاب
منگل 1 جنوری 2013 19:12
(جاری ہے)
وزیراعلیٰ محمد شہباز شریف نے تقریب سے خطاب کرتے ہوئے کہا کہ پنجاب حکومت نے ہر شعبے میں میرٹ اور شفافیت کو فروغ دے کر سفارش اور اقربا پروری کا خاتمہ کیا ہے۔
گزشتہ ساڑھے چار سالوں میں تمام شعبوں میں شفافیت اور میرٹ پالیسی پر سختی سے عملدرآمد کو یقینی بنایا گیا ہے۔پنجاب حکومت کے تعلیم، صحت، فراہمی انصاف اور دیگر سماجی پروگراموں میں انصاف کی چھاپ نمایاں ہے اور تمام پروگراموں میں شفافیت اورمیرٹ کو اولیت دی گئی ہے۔ انہوں نے کہا کہ پنشن کے جدید نظام کا اجرا صوبائی حکومت کا ایک اور انتہائی اہم اور قابل تحسین اقدام ہے جس سے لاکھوں ملازمین مستفید ہوں گے۔ انہوں نے پنشن کا جدید نظام متعارف کرانے پر چیف سیکرٹری، سیکرٹری خزانہ اور ان کی پوری ٹیم کو مبارکباد دیتے ہوئے کہا کہ اس نظام پر پوری طرح عملدرآمد یقینی بنایا جائے۔ لاہور سے بطور پائلٹ پراجیکٹ شروع کئے گئے پنشن کے جدید نظام میں جنوبی پنجاب اور مرکزی پنجاب کے ایک ایک ضلع کو بھی شامل کیا جائے اور اس پروگرام کو صوبے کے تمام اضلاع تک پھیلایا جائے۔ انہوں نے کہا کہ پنشن کے جدید اور مربوط نظام کا اجرا آج سے کیا جا رہا ہے اور اس پروگرام کو کامیاب بنانے پر متعلقہ اداروں کے سربراہان کی کاوشیں قابل تحسین ہیں۔ انہوں نے کہا کہ پنجاب حکومت کو نئے سال کی آمد پر یہ اعزاز حاصل ہو رہا ہے کہ اس نے سرکاری ملازمین کیلئے پنشن کا حصول آسان بنانے کیلئے یہ تاریخ ساز نظام وضع کیا ہے اور پاکستان کی تاریخ میں پنجاب واحد صوبہ ہے جہاں پر پنشن کا یہ جدید نظام رائج کیا جا رہا ہے۔قبل ازیں سیکرٹری خزانہ طارق باجوہ نے تقریب سے خطاب کرتے ہوئے کہا کہ حکومت پنجاب نے پنشن کی ادائیگی کا نیا طریقہ کار وضع کیا ہے جس کے تحت پنشن کی ادائیگی صرف کمپیوٹرائزڈ پنشن رول کے ذریعے ہوگی۔ نئے طریقہ کار کا اطلاق ان سرکاری ملازمین پر ہوگا جو یکم جنوری 2013 سے اپنی 60 سال کی عمر پوری کرکے سرکاری ملازمت سے ریٹائر ہوں گے۔ ایسے ملازمین کو کمیوٹیشن اور ماہانہ پنشن کی ادائیگی براہ راست ان کے بینک اکاؤنٹ میں ہوگی۔ انہوں نے کہا کہ نئے طریقہ کار کی نمایاں خصوصیت یہ ہے کہ اس میں پنشن کی منظوری کیلئے دفتر ی کارروائی کو مختصر کردیا گیا ہے اور پنشن کی بروقت ادائیگی کو یقینی بنایا گیا ہے۔ انہوں نے کہا کہ پنشن کی منظوری اورادائیگی کا مروجہ طریقہ کار دشوار اور وقت لیوا ہے۔ یہ طریقہ کار پاکستان بننے سے رائج رہا ہے جس کے تحت پنشنرز کو ذاتی طور پر خزانہ افسر کے روبرو پیش ہونا پڑتا ہے اور ہر ماہ صرف نیشنل بینک سے پنشن لینی پڑتی ہے۔ نئے طریقہ کار کے تحت پنشنر کسی بھی شیڈولڈبینک سے پنشن لے سکے گا یا اے ٹی ایم یا ڈیبٹ کارڈ سے اپنی پنشن نکلوا سکے گا۔ چیف سیکرٹری پنجاب ناصر محمود کھوسہ نے تقریب سے خطاب کرتے ہوئے کہا کہ پنشن کا جدید نظام سرکاری ملازمین کی فلاح و بہبود کیلئے حکومت پنجاب کا انقلابی قدم ہے اور یہ ملک کی تاریخ کا منفرد نظام ہے۔ بعدازاں وزیراعلیٰ نے ماہ جنوری میں ریٹائرہونے والے 20 ملازمین کو پنشن پے آرڈر بھی دیئے۔متعلقہ عنوان :
لاہور میں شائع ہونے والی مزید خبریں
یوم بدر حق و باطل کے پہلے معرکہ میں مسلمانوں کی فتح سے طاغوت کے ایوانوں میں مایوسیاں چھا گئیں: ملی مجلس ..
اسلام کے پہلے معرکہ بدر نے باطل کے ایوانوں میں زلزلہ طاری کردیاتھا: ہشام الٰہی ظہیر
صنم سعید کی انگلش سن کر مداح دنگ رہ گئے
عیدا لفطر پرپاکستانی اور ہالی ووڈ سمیت 4 فلمیں نمائش کیلئے تیار
اپنی غلطی پر معافی مانگنے پر راحت فتح خان کی عزت پہلے سے بڑھ گئی ہی: اداکارہ ریشم
ڈیفنس کے علاقہ میں31سالہ شخص نے کنپٹی پر گولی مار کر زندگی کا خاتمہ کر لیا
ون وے کی خلاف ورزی روکنے کیلئے پہلی بار مرکزی شاہراہوں پر ٹائر کلرز کی تنصیب کا فیصلہ
اردوسائنس بورڈ کے زیراہتمام"تحریکِ پاکستان میں اردوزبان کا کردار"کے موضوع پر سیمینار
پنجاب کے ریجنل و ضلعی دفاتر میں کھلی کچہریوں کا انعقاد
کمشنر لاہور کی زیر صدارت صفائی و ستھرا پنجاب کے حوالے سے اجلاس
کمشنر لاہور کی زیر صدارت چینی شہریوں کی سکیورٹی کے حوالے سے اجلاس
ْایف پی سی سی آئی کا گوہر اعجاز کی سربراہی میں اکنامک ریوائیول تھنک ٹینک کے قیام کا اعلان
لاہور سے متعلقہ
پاکستان کی تازہ ترین خبریں
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
نیلم جہلم پراجیکٹ نے پوری صلاحیت کے مطابق 969 میگاواٹ بجلی کی پیداوار دوبارہ شروع کردی
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
بجلی کے فی یونٹ میں2روپے 75 پیسے اضافے کی منظوری ظالمانہ فیصلہ ہے، ایاز میمن
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار