دنیا کی انوکھی لڑکی جسے ماں بننے تک اپنے حاملہ ہونے کا علم ہی نہیں تھا

پیٹ میں شدید تکلیف ہونے کی وجہ سے واش روم گئی جہاں بیٹی پیدا ہو گئی

Sajjad Qadir سجاد قادر جمعہ نومبر 07:02

دنیا کی انوکھی لڑکی جسے ماں بننے تک اپنے حاملہ ہونے کا علم ہی نہیں تھا
نیٹ نیوز ۔ (اُردو پوائنٹ اخبارتازہ ترین۔ 15 نومبر2019ء)   جب بھی کوئی خاتو ن امید سے ہوتی ہیں تو سب سے پہلے پیٹ پھولتا ہے اور اس کے بعد رفتہ رفتہ اور بھی کئی نشانیاں سامنے آتی ہیں کہ جس سے یہ واضح ہو جاتا ہے کہ خاتون حاملہ ہو چکی ہیں۔جبکہ ڈلیوری سے کچھ دن نہیں تو کچھ گھنٹے قبل ضرور ایسی شدید دردیں اٹھتی ہیں کہ ایک بار تو موت یاد آ جاتی ہے۔

مگر آسٹریلیا کی ایک نوجوان ماڈل ایسی ہے جسے اپنی بیٹی پیدا ہونے تک پتا ہی نہیں چلا کہ اسے حمل ہے۔آسٹریلیا سے تعلق رکھنے والی ایک ماڈل کو اس وقت زندگی کا سب سے بڑا دھچکا لگا جب اس نے اچانک ٹوائلٹ میں بیٹی کو جنم دے دیا کیونکہ اسے یہ معلوم ہی نہیں تھا کہ وہ حاملہ ہے۔جی ہاں واقعی، ایسا انوکھا واقعہ پیش آیا ہے اور 23 سالہ ماڈل ایرین لانگ میڈ نے یہ بات ایک انٹرویو کے دوران بتائی۔

(جاری ہے)

انہوں نے بتایا کہ حمل کے دوران سامنے آنے والی نشانیاں جیسے پیٹ نکلنا، صبح طبیعت خراب ہونا، دل متلانا یا کوئی بھی علامت سامنے نہیں آئی جبکہ اس دوران وہ حمل روکنے کے انجیکشن بھی استعمال کرتی رہیں۔ان کا کہنا تھا 'اتنے ماہ تک کچھ بھی نظر نہیں آیا اور جو کچھ ہوا وہ بہت عجیب تھا، میں اب تک صدمے میں ہوں، مگر اب یہ زندگی کا حصہ ہے جس کو ہم بدل نہیں سکتے'۔

ماڈل کے مطابق جس دن بیٹی کی پیدائش ہوئی، ان کی طبیعت خراب تھی، مگر انہیں بچی کی ڈرامائی آمد تک احساس ہی نہیں ہوا کہ وہ حاملہ ہیں اور بیٹی کی پیدائش سے 10 منٹ قبل ان کے پیٹ میں بہت شدید تکلیف ہوئی تھی، جس کے بعد وہ ٹوائلٹ گئیں اور وہاں سب کچھ ہوگیا۔ان کے بوائے فرینڈ ڈینئیل کارٹی کے مطابق 'میں نے چیخ سنی اور میں بھاگ کر گیا اور بچی کو دیکھا'۔

انہیں فوری احساس ہوا کہ ان کی بیٹی سانس نہیں لے رہی، جس پر ایمرجنسی سروسز سے رابطہ کیا، جن کی مدد سے ننھی بچی کی زندگی بچانے میں مدد ملی۔طبی ماہرین کے مطابق کچھ خواتین کے ساتھ ایسا ہوتا ہے اور ان میں حمل کی روایتی علامات سامنے نہیں آتیں اور اس کا انحصار جسم میں ہڈیوں کی ساخت پر ہوتا ہے یا جسمانی طور پر بھاری خواتین میں بھی پیٹ نکلنا زیادہ واضح نہیں ہوتا۔تاہم کروڑوں میں سے کسی ایک خاتون کے ساتھ ہی ایسا ہوتا ہے اور ان میں حمل کی روایتی علامات سامنے نہیں آتیں۔ماڈل کا کہنا تھا کہ اگرچہ مجھے بہت عجیب محسوس ہو رہا ہے کہ یہ سب کیسے ہوا مگر میں اس سب کو قبول کر چکی ہوں اور بیٹی کی پیدائش پر خوش ہوں۔

متعلقہ عنوان :

لاہور شہر میں شائع ہونے والی مزید خبریں:

Your Thoughts and Comments