کراچی کی بریانی اور پشاور کی چائے،غیر ملکی سیاح پاکستانیوں کا دیوانہ ہو گیا،ویڈیو وائرل

کراچی سے لاہورا ور ہنزہ سے پشاور تک پاکستانی عوام نے اردنی وی لاگر کو خوش آمدید کہا

Sajjad Qadir سجاد قادر ہفتہ نومبر 05:23

کراچی کی بریانی اور پشاور کی چائے،غیر ملکی سیاح پاکستانیوں کا دیوانہ ..
ویب نیوز (اُردو پوائنٹ اخبارتازہ ترین ۔ 28 نومبر2020ء) پاکستان میں جتنے بھی سیاح آتے ہیں وہ سب سے پہلے یہاں کے عوام کے اخلاق اور مہمان نوازی سے بہت متاثر ہوتے ہیں۔اگرچہ اس وقت کورونا وبا عروج پر ہے تاہم پھر بھی کچھ غیر ملکی سیاح پاکستان میں موجود ہیںا ور یہاں کے تہذیب،کلچر اور کھابوںسے لطف اندوز ہونے کے ساتھ ساتھ طول و بلد کی سیر کرتے بھی نظر آتے ہیں۔

اس وقت سوشل میڈیا پر ایک اردنی وی لاگر کی ویڈیو وائرل ہے جس میں ہو پاکستان کی سیر کر رہا ہے اور پاکستان کے کلچر کے علاوہ یہاں کے کھانوں،رہن سہن،اسلامی ثقافت اور لوگوں کی مہمان نوازی کی بھرپور تعریف کر رہا ہے۔اردنی وی لاگر جس کا اصل نام قاسم ہیتو ہے اور وہ ابن ہتوتہ کے نام سے وی لاگ کرتا ہے نے اپنے وی لاگ میں پاکستان کی تعریف کرتے ہوئے کہا کہ سب سے پہلے وہ کراچی میں آیااور وہاں اس نے سٹریٹ فوڈ انجوائے کیا جس میں سب سے زیادہ تو اس نے کراچی کی گلی محلے میں بکنے والی سپائسی بریانی کی تعریف کی۔

(جاری ہے)

کراچی کے بعد لاہور آیااور یہاں پر مغل شہنشاہوں کا کام دیکھنے کے علاوہ لاہور کی فوڈ سٹریٹ کا بھی وزٹ کیا۔

لاہور کے بعد اس کا اگلا پڑاﺅ ہنزہ ویلی تھا جہاں کے لوگوں نے اس کے دل موہ لیے۔اور آخرمیں وہ پشاور گیا جہاں کے لوگوں نے اسے ویلکم کہااور اردنی وی لاگر کا کہنا تھا کہ یہاں کی چائے نے مجھے بہت متاثر کیااور ساتھ ہی پشاور کے چپلی کباب بھی شوق سے کھائے۔

اردنی وی لاگر کا کہنا تھا کہ پاکستان سے متعلق لوگوں کی غلط رائے ہے کہ یہاں کے حالات خراب ہیں۔جبکہ ان افواہوں کے الٹ یہاں کے لوگ بہت اچھے ہیں اور امن امان کی صورت حال بھی بہت اچھی ہے۔وی لاگر نے گلی محلے میں لوگوں سے بات چیت بھی کی اور ان سے انڈیا پاکستان کے کلچر سے متعلق سوال بھی کیے۔اس وقت اردنی وی لاگر اسلام آباد میں ہے اور پاکستان کے عوام اور کلچر کی خوب تعریف کرتا پھر رہا ہے۔

لاہور شہر میں شائع ہونے والی مزید خبریں:

Your Thoughts and Comments