والدہ ہمیں کہتی کہ بچو آج تھوڑا کم کھانا کہ تمہارے ابا نے بھی روٹی کھانی ہے،جبکہ کھانے کے ٹائم پر ابا جی کہتے کہ میں تو آج باہر سے کھانا کھا کر آیا ہوں

غربت اتنی زیادہ تھی کہ کپڑے نہیں ہوتے تھے اور ننگے پاؤں کرکٹ کھیلا کرتا تھا،مشتاق احمد کی ویڈیو وائرل

سجاد قادر جمعہ 22 جنوری 2021 06:13

والدہ ہمیں کہتی کہ بچو آج تھوڑا کم کھانا کہ تمہارے ابا نے بھی روٹی کھانی ہے،جبکہ کھانے کے ٹائم پر ابا جی کہتے کہ میں تو آج باہر سے کھانا کھا کر آیا ہوں

لاہور(اُردو پوائنٹ اخبارتازہ ترین۔ 22 جنوری2021ء) پاکستانی بلے باز مشتاق احمد کے نام سے کون واقف نہیں انہوں نے ہمیشہ اپنے چاہنے والوں کے دل جیتے ہیں،آج کل ان کی ایک ویڈیو سوشل میڈیا پر خوب وائرل ہے جس میں انہوں نے سننے والوں کے دل جیت لیے ہیں۔مشتاق احمد نے اپنے ویڈیو پیغام میں کہا ہے کہ ”میرا باپ مجھے بہت یاد آتا ہے۔پتا ہے کیوں کیونکہ ہم غریب لوگ تھے،میرا والد مزدوری کرتا تھااور روز کے سو روپے کما کر لاتا تھا۔

ہم آٹھ بہن بھائی کھانے والے تھے۔مجھے کرکٹ کھیلنے کا بہت شوق تھا۔میرے پاس کٹ بھی نہیں تھی اور جوگر لینے کے پیسے بھی نہیں تھے ا س لیے میں اکثر ننگے پاؤں کرکٹ کھیلا کرتا تھا۔جب میرے والد نے میرا یہ حال دیکھا اور میرا شوق دیکھا تو انہوں نے اپنا پیٹ کاٹ کر پیسے جوڑ کر مجھے نئے کپڑے لے کر دیے،ٹراؤزر لے کر دیا،بلااور جوگر بھی لے کر دیے تاکہ میں اپنا شوق پورا کر سکوں۔

(جاری ہے)

میں اکثر انہیں چھپ چھپ کر دیکھا کرتا تھا کی وہ کیسے مزدوری کیا کرتے تھے۔میرے والد ساہیول غلہ منڈی میں مزدوری کرتے تھے۔مجھے اچھی طرح سے یاد ہے کہ والدہ ہمیں کہتی کہ بچو آج تھوڑا کم کھانا کھانا کہ تمہارے ابا نے بھی روٹی کھانی ہے۔جبکہ کھانے کے ٹائم پر ابا جی کہتے کہ میں تو آج باہر سے کھانا کھا کر آیا ہوں۔

مجھے یاد ہے کہ میرے والد نے کتنی راتیں صرف ہم بچوں کا پیٹ بھرنے کے لیے بغیر کچھ کھائے سو کر گزار دی تھیں۔

میرے والد کھانا کھائے بغیرمحض اس لیے سو جاتے تھے کہ میری کتابیں،میرا بلاا ور میرے کپڑے بن سکیں۔میرے ماں باپ کا سایہ تو آج میرے سر پر نہیں مگر میں آپ سب لوگوں سے گزارش کرتا ہوں کہ اپنے والدین کی عزت کریں۔ہم اللہ تعالیٰ اور اس کے آخری نبی حضرت محمدﷺ کی پیاری امت میں سے ہیں ہم اس کائنات کی سب سے بہتر اور نعمت والی مخلوق ہیں کہ ہم حضرت محمد ﷺ کے پیروکار ہیں اور دین اسلام کے ماننے والے ہیں۔

سو یہ ہماری دینی تعلیمات میں بھی شامل ہے کہ ہم اپنے والدین کی عزت اور احترام مکریں۔لہٰذا میری گزارش ہے کہ آپ لوگوں میں سے جس کے سر پر بھی والدین کا سایہ ہے وہ ان کی عزت کریں اور انہیں پیار کریں۔میں یہ بھی کہوں گا کہ انہیں یہ مت کہیں کہ آپ کا زمانہ اور تھا ہمارا زنانہ اور ہے اس لیے ہمارے معاملات میں عمل دخل نہ دیں۔اگر کبھی والدین کی کوئی بات ناگوار گزرے تو خاموشی سے برداشت کر لینا مگر جواب مت دینا۔اس دنیا میں کامیابی کا تیز ترین طریقہ اپنے ماں باپ کی خدمت کرنا ہے۔لہٰذا سبھی سننے والوں سے میرا یہی مودبانہ پیغام ہے کہ اپنے والدین کی عزت کریں۔“

Facebook Twitter Reddit Pinterest Whatsapp

لاہور میں شائع ہونے والی مزید خبریں

آندھی و گرج چمک کے ساتھ بارش کے امکانات کے پیش نظر صوبہ بھر کے ڈپٹی کمشنرز کو الرٹ رہنے کی ہدایات جاری

لاہور چیمبر میں ممبران کو ٹیکس معاملات پر آگاہی فراہم و دیگر مسائل کے حل کیلئے ٹیکس کلینک کا انعقاد

وزیر بلدیات پنجاب کی زیرصدارت اجلاس،لاہور ری ویمپنگ پلان میں پیشرفت کا تفصیلی جائزہ لیا

لاہور، دفتر صوبائی الیکشن کمشنر پنجاب میں ضمنی انتخابات کی تیاریوں کا جائزہ لینے کیلئے اجلاس

کمشنر کی زیرِ صدارت روٹی و نان کی قیمتوں کے اطلاق وستھرا پنجاب کے اقدامات کا جائزہ لینے کیلئے اجلاس

لاہور بورڈ سے منسلک ہونے کیلئے ہائی و ہایئر سیکنڈری سکولز و کالجز کا جائزہ لینے کیلئے اجلاس

جماعت اسلامی پاکستان کے نو منتخب امیرنے حلف اٹھا لیا،سیاست عبادت سمجھ کر کرتے ہیں ،حافظ نعیم الرحمن

سوئی ناردرن کاگیس چوروں کیخلاف کریک ڈائون جاری، مزید 162 کنکشن منقطع، جرمانہ عائد

لاہورہائیکورٹ کی کامیاب امیدوارکے ووٹوں کی دوبارہ گنتی کیخلاف درخواست پر مدمقابل امید وار کو ترمیم ..

لاہورہائیکورٹ،سیاستدانوں کے نام پر سرکاری عمارتوں ،شاہراہوں ودیگر مقامات کو منسوب کرنے کیخلاف درخواست ..

پرویز الہی ٰکیخلاف دو مختلف مقدمات میں ایک بار پھر فرد جرم عائد نہ ہوسکی،سماعت دو مئی تک ملتوی

پراسیکیوشن دفتر میں کیسوں کا ریکارڈ گم کرنے پر دو کلرکوںکو ایک ایک سال سروس ضبطی کی سزا

والدہ ہمیں کہتی کہ بچو آج تھوڑا کم کھانا کہ تمہارے ابا نے بھی روٹی کھانی ہے،جبکہ کھانے کے ٹائم پر ابا جی کہتے کہ میں تو آج باہر سے کھانا کھا کر آیا ہوں

غربت اتنی زیادہ تھی کہ کپڑے نہیں ہوتے تھے اور ننگے پاؤں کرکٹ کھیلا کرتا تھا،مشتاق احمد کی ویڈیو وائرل

متعلقہ عنوان :

لاہور میں شائع ہونے والی مزید خبریں

لاہور سے متعلقہ

پاکستان کی تازہ ترین خبریں

پاکستان کے مشہور شہروں کی خبریں