ریلوے انتظامیہ کا عید الفطر پر اضافی رش کے پیشِ نظر11 عید سپیشل ٹرینیں چلانے کا فیصلہ

جمعہ 7 مئی 2021 12:48

لاہور (اُردو پوائنٹ اخبارتازہ ترین - این این آئی۔ 07 مئی2021ء) ریلوے انتظامیہ نے عید الفطر کے پرمسرت موقع پر عوام کی سہولت کے لیے اضافی رش کے پیشِ نظراپ اینڈ ڈائون کی11 عید سپیشل ٹرینیںچلانے کا فیصلہ کیاہے۔ تفصیلات کے مطابق پہلی چارعید سپیشل ٹرینیں کراچی سٹی سے 7، 8،9 اور 10 مئی 2021 کوروزانہ رات آٹھ بجے کراچی سٹی سے روانہ ہوکر لانڈھی ، نواب شاہ، رحیم یار خان، بہاولپور، ملتان کینٹ، ساہیوال، اوکاڑہ اور رائیونڈ سے ہوتی ہوئی اگلے روز شام چار بجے لاہور پہنچاکریں گی۔

اسی طرح لاہور سے پانچ عید سپیشل ٹرینیں 7، 8،9 ، 10اور 11 مئی 2021 کولاہور سے روزانہ رات آٹھ بجے روانہ ہوکر رائیونڈ ، اوکاڑہ، ساہیوال،خانیوال، ملتان کینٹ، بہاولپور، خانپور،رحیم یارخان، روہڑی، نواب شاہ، حیدرآباد، لانڈھی اور کراچی کینٹ سے ہوتی اگلے روز شام چار بجے کراچی سٹی پہنچاکریں گی۔

(جاری ہے)

جبکہ دسویں عید سپیشل ٹرین کراچی سٹی سے راولپنڈی کے لیے 11 مئی 2021 کو کراچی سٹی سے رات آٹھ بجے روانہ ہوکر کراچی کینٹ، لانڈھی، حیدرآباد، نواب شاہ، روہڑی، رحیم یار خان، خانپور، ملتان کینٹ ، خانیوال ، ساہیوال، اوکاڑہ ، رائیونڈ ، لاہور، گوجرانوالہ، وزیرآباد، گجرات ، لالہ موسیٰ اور جہلم سے ہوتی ہوئی اگلے روز رات 9 بجکر 45 منٹ پر راولپنڈی پہنچے گی۔

جبکہ آخری عید سپیشل ٹرین کراچی سٹی سے ملتان کینٹ کے لیے 12 مئی 2021کو کراچی سٹی سے رات آٹھ بجے روانہ ہوکر کراچی کینٹ ، لانڈھی، حیدرآباد، نواب شاہ، روہڑی، رحیم یار خان، خانپور اور بہاولپور سے ہوتی ہوئی اگلے روز دن 11بجکر 15 منٹ پر ملتان کینٹ ریلوے اسٹیشن پہنچے گی۔ واضح رہے کہ یہ تمام ٹرینیںبراستہ مین لائن ملتان کے راستے اپنا سفر مکمل کریں گی۔