فروری کے پہلے ہفتے لندن جارہا ہوں ‘ ایاز صادق

نواز شریف کے حوالے سے بیان دیتا ہوں توتحریک انصاف والوں کی نیندیں حرام ہو جاتی ہیں

پیر 17 جنوری 2022 23:24

لاہور(اُردو پوائنٹ اخبارتازہ ترین - این این آئی۔ 17 جنوری2022ء) پاکستان تحریک انصاف کے مرکزی رہنما سردار ایازصادق نے کہا ہے کہ فروری کے پہلے ہفتے لندن جارہا ہوں ،جب میں نواز شریف کے حوالے سے بیان دیتا ہوں توتحریک انصاف والوں کی نیندیں حرام ہو جاتی ہیں اور عمران خان اپنے لوگوں کی ڈانٹ ڈپٹ شروع کر دیتے ہیں۔

(جاری ہے)

نجی ٹی وی سے گفتگو کرتے ہوئے سردا ر ایاز صادق نے کہا کہ نواز شریف کسی وقت بھی آ سکتے ہیں، اس کو اوپن ہی رہنے دیں ،جب میں نواز شریف کے آنے کا بیان دیتا ہوں تو تحریک انصاف والوں کی نیندیں حرام ہو جاتی ہیں اور عمران خان اپنے لوگوں کی ڈانٹ ڈپٹ شروع کر دیتے ہیں، پی ٹی آئی کے دوست شکوہ کرتے ہیں کہ بیان آپ دیتے ہیں اور ڈانٹ ڈپٹ ہماری شروع ہو جاتی ہے ۔

انہوں نے کہا کہ ہم کسی کی طرف نہیں اللہ کی طرف دیکھ رہے ہیں ، ہمارا پہلا ہدف اس حکومت سے عوام کی جان چھڑانی ہیں جس کی وجہ سے ملک او رعوام شدید مشکلات سے دوچار ہیں اور اس کے بعد مسلم لیگ کی حکومت بھی بنے گی ۔

لاہور میں شائع ہونے والی مزید خبریں